Hayot faoliyati

Nazorat savollari

1. Olov va yong‘in nimasi bilan farq qiladi?

2. Yong‘inning kelib chiqish sabablarini ayting.

3. Yong‘inning zararlovchi omillariga nimalar kiradi?

4. Yong‘inga qarshi kurashda nimalarga e’tibor qaratish

kerak?

5. Yashayotgan joyingiz yoki uyingizda yong‘in xavfsizligini

ta’minlash ishlari qanday yo‘lga qo‘yilganini o‘ylab ko‘ring.

6. Yong‘in xavfsizligini ta’minlashda o‘zingiz qanday

ishlarni odat tusiga kiritgansiz?

22

III MAVZU. KUNDALIK HAYOTDA MAISHIY UY

JIHOZLARIDAN TO‘G‘RI FOYDALANISH

Insonning kundalik turmushi turli xil voqealar va hodisalarga

boy. Ayniqsa, hozirgi kunda inson tomonidan yaratilgan

o‘ziga xos texnosfera uning hayotini yaxshilashga, og‘irini yengil

qilishga qaratilgan bo‘lsada, biroq, ulardan foydalanish hamda

saqlash paytida o‘ziga xos bir muammolar paydo bo‘layotgani,

baxtsiz hodisalar, shuningdek, insonni og‘ir oqibatlarga olib

kelishi bilan birga iqtisodiy yo‘qotishlarga ham sabab

bo‘layotgani sir emas. Insonning kundalik turmush tarzini usiz

tasavvur qilib bo‘lmaydigan ko‘pgina maishiy xizmat ko‘rsatish

jihozlaridan foydalanishni bilish, ularni o‘z me’yorlarida

ishlatish, texnik yo‘riqnomalariga qat’iy amal qilish turli xil

xavflarning oldini olishda muhim o‘rin egallaydi.