Havodagi harakatni boshqarish

Rullash paytida havo kemasi ekipajining majburiyatlari. Rullash paytida ekipaj a'zolari atrof-muhitni, shu jumladan boshqa havo kemalarni HHXK organi bilan olib borayotgan radio almashuvini kuzatishi va kabinaning steril rejimini saqlashi shart. Agar HHXK organing buyruqlari tushunarsiz bo'lsa, radio almashinuvini olib boruvchi ekipaj a'zosi buyruqni takrorlashni talab qilishi shart. Kamida ikkita ekipaj a'zosi tashqi radioaloqani eshtib turishi lozim.

Agar rullash marshrutida to'siqlar aniqlansa, havo kemasi komandiri:

• 
  to'qnashuvning oldini olish choralarini ko'radi, havo kemasini to'xtatishgacha boradi;
  
• 
  to'siq borligi haqida HHXK organiga xabar beradi;
  
• 
  to'siq olib tashlanganidan so'ng, HHXK organining ruxsati bilan rullashni davom etadi;
  
• 
  rullash tezligi havo kemasi komandiri tomonidan rullash yo'lak yuzasining holatiga, tusiqlar borligi va ko'rish sharoitlariga qarab tanlanadi.
  

Rullash tezligiga qo'yiladigan talablar:

• 
  Perronda rullash 10-15 km/soatdan oshmaydigan tezlikda juda ehtiyotkorlik bilan va dvigatelning minimal tortish kuchida bajarilishi kerak;
  
• 
  rullash yo'li va uchish-qo'nish yo'lagining quruq tekis yuzasida rullash 20-40 km/soat tezlikda amalga oshiriladi;
  

• 
  notekis yuzada rullash tezligi havo kemasi komandiri tomonidan havo kemasining silkinishini keltirmaydigan va yo'lovchilarga noqulaylik tug'dirmaydigan tarzda tanlanadi;
  

• 
  magistral rullash marshrutlarining to'g'ri uchastkalarida tezlikni soatiga 55 km gacha oshirish mumkin, lekin har qanday holatda ham havo kemasi yo'lovchilari uchun xavfsiz va qulay to'xtashini ta'minlash lozim;
  
• 
  burilish paytida tezlik quruq rullash yo'llarida va uchish-qo'nish yo'lagida soatiga 20 km dan, sirpanchiq joylarda esa - soatiga 10 km dan oshmasligi kerak.
  

Normal sharoitlarda dvigatellarning alohida tormozlash va ularning assimetrik tortishishlarini burilishlarda ishlatish tavsiya etilmaydi.
Kesishgan yo'nalishlarda biror bir havo kemasi yaqinlashayotgan paytlarda, havo kemasi komandiri o'ng tomondan kelayotgan havo kemasini o'tqazib yuborishi shart.
Boshqa havo kemalarning orqasidan rullashda, ayniqsa, ko'rish imkoniyati cheklangan va katta havo kemasi orqasida harakatlanayotgan havo kemasi xavfsiz masofani saqlashi shart. Bunday sharoitda tavsiya etilgan masofa taxminan 100 metrni tashkil qiladi. Rullash jarayonini bajaryotgan havo kemasini o'zib o'tish taqiqlanadi.
Havo kemasi eskorti. Eskort avtomobili yorug'lik signalizasiya moslamalari va radiostantsiya bilan jihozlangan bo'lishi kerak. U aerodromning belgilangan qoidalariga muvofiq yoki havo kemasi ekipajining iltimosiga binoan ishlatiladi. Havo kemasi va eskort avtomobili orasidagi masofa eskort qilinayotgan havo kemaning bitta uzunligidan kam bo'lmasligi kerak, lekin 100 metrdan oshmasligi lozim.