Haval H6 кроссоверининг учинчи авлоди энди сотувда мавжуд Haval H6 кроссоверининг янги авлоди Ўзбекистонга кириб келди. Sharq Motors автомобил афзалликлари ва унинг нархи ҳақида сўзлаб беради

Haval H6 кроссоверининг учинчи авлоди энди сотувда мавжуд
Haval H6 кроссоверининг янги авлоди Ўзбекистонга кириб келди. Sharq Motors автомобил афзалликлари ва унинг нархи ҳақида сўзлаб беради.

Фото: Haval
Учинчи авлодга мансуб Haval H6 автомобили Haval русумининг янги модели ҳисобланиб, ҳозирда у бренднинг Ўзбекистондаги расмий вакили Sharq Motors салонларида мавжуд. Ушбу кроссовернинг ҳатто бошланғич комплектациясида бир қатор премиал технологиялар, жумладан, адаптив круиз бошқарув, 360 градусли 3Д форматдаги кузатув тизими, автомобил тўхташ ассистенти, ҳайдовчи ойнасига проекцион экран каби хусусиятлар киритилган.

Фото: Haval H6
Ташқи кўриниши
Автомобилнинг ташқи кўриниши агрессив ва шижоатли. Янги моделда ишлаб чиқарувчилар радиатор панжарасини янгилашди: эндиликда у тўқ кулранг бўлиб, тузилиши бўйича балиқ тангачаларини эслатади. Дисклар ҳам ўзгарган ва ҳозирда улар тўлқинсимон шаклда, хром югуртирилган чизиқлар кўринишига эга. Хром — автомобилнинг асосий декоратив элементларидан бири. У ҳам салонда, ҳам ғилдиракларда, автомобил кузовининг олд ва орқа томонларида ва ҳаттоки эшик дебочаларида ҳам жойлаштирилган.
Фото: Haval H6
Автомобилнинг кенг ранг танлови ҳам кишини қувонтиради, ҳозирда 7 хил ранг танлаш имкони бор, улар — оқ, кулранг, қора, қизил, кўк, жигарранг ҳамда яшил.
Салон
Фото: Haval H6
Кроссовернинг ички тузилиши бизнес класс салонини эслатади: ҳайдовчи курсиси махсус пневматик ёстиқчага эга бўлиб, у белнинг қулайлигига хизмат қилади. Ҳатто бошланғич комлектацияда ҳам қолган барча курсилар эргономик шаклда ясалган ва иситиш функциясига эга, олдинги курсилар эса бунга қўшимча сифатида ҳаво алмаштириш хусусиятини ҳам ўз ичига олади.
Фото: Haval H6
Салоннинг технологик илғорлигини ҳам алоҳида таъкидлаш керак — ҳайдовчи бирданига иккита дисплей — 10 ҳамда 12 дюймли экранлар билан ишлаши мумкин. Улардан ташқари, проекцион head-up дисплейи ҳам мавжуд. Экранлар ҳам мултимедиа ҳамда автомобил хусусиятларини бошқариш панели сифатида ишлайди. Орқани кузатиш ойнаси эса кун ёруғлигига қараб, кераксиз нурни қайтармаслик учун автоматик тарзда ўзини созлаб туради.
Салондаги деярли барча мосламалар ҳайдовчига қараб созланади: рул, курсилар, орқа ва ён томонларни кузатиш ойналари. Асбоб-ускуна панелининг остида смартфонни симсиз қувватлантириш учун махсус ҳудуд бор, ундан пастроқда эса қулай бар ҳамда керакли буюмларни сақлаш учун алоҳида жой мавжуд. Машинада автоматик созланадиган панорама люк ҳам ўрнатилган.
Фото: Haval H6