Harbiy-texnik instituti m. X. Rustambayev

NOTA BENE ! 

Jazoga sazovorlikni

  jinoyatning mustaqil belgisi sifatida quyidagi 

ikkita jihat bilan xarakterlashimiz mumkin: 1) ijtimoiy xavfli qilmish jazo 

qo‘llash tahdidi bilan qonun chiqaruvchi tomonidan taqiqlanadi; 2) ushbu 

taqiqni buzgan shaxs qoidaga ko‘ra jazoga tortiladi. 

 

Shuni  ta’kidlashimiz lozimki, javobgarlikning muqarrarligi har doim 

ham jazo qo‘llash shartligini  nazarda tutmaydi. Jinoyatni aniqlash «jazo 

qo‘llash tahdidi» bilan bevosita bog‘liqdir. Jinoiy jazo bu jinoyat sodir 

qilishning oqibatidir. o‘z navbatida, bu oqibat ba’zi bir holatlarda 

qo‘llanilmasligi ham mumkin. Shu yo‘l bilan qonun chiqaruvchi jazo 

qo‘llanilishini ogohlantirish orqali javobgarlikning muqarrarligi 

prinsipining buzilmasligini ta’minlaydi. Masalan, aybdorning qilmishida 

uni jinoiy javobgarlikka tortish uchun zarur bo‘lgan barcha alomatlar 

mavjud bo‘lishi mumkin, lekin shunga qaramasdan amnistiya akti tufayli u 

jinoiy jazodan ozod qilinishi mumkin (lekin jinoiy javobgarlikdan emas). 

Shuning uchun jinoiy jazo va javobgarlikning muqarrarligi prinsiplari har 

doim ham jinoiy-huquqiy majburlovning aynan bitta mexanizmi bo‘la 

olmaydi.