Harbiy-texnik instituti konstitutsiyaviy huquq

Ijtimoiy-siyosiy (g’oyaviy-mafkuraviy) kafolatlar
– har bir 
davlatda amal qilib turgan siyosiy tuzum orqali namoyon bo’ladi. Ushbu 
tuzum demokratik yoki byurokratik bo’lishi mumkin (tarixda despotik, 
totalitar tuzumlar ham amal qilgan). Fuqarolar huquq va erkinliklarining 
ijtimoiy-siyosiy kafolatlanishi quyidagilarga bevosita bog’liq: 
- mamlakat miqyosida olib borilayotgan davlat siyosatining tub 
maqsadiga; 
- siyosiy plyuralizm ya’ni siyosiy fikrlar xilma-xilligining darajasiga; 
- jamiyatdagi mavjud siyosiy mafkuralarning mazmun-mohiyatiga; 
- nafaqat siyosiy balki barcha jabhalardagi hurfikrlilikning 
mavjudligiga; 
- diniy erkinlik va bag’rikenglik (tolerantlik)ning ta’minlanganligiga; 
- ommaviy axborot vositalari faoliyatining erkinlik darajasiga; 
- fuqarolarning davlat organlariga bevosita murojaatlarining 
to’siqlarsiz amalga oshirilishining ta’minlanganligiga. 
Ijtimoiy-iqtisodiy kafolatlar
jamiyatda mavjud bozor munosabatlari 
mazmuni hamda iqtisodiy rivojlanishning ahvoliga ham bevosita bog’liq 
bo’ladi. Bugungi kunda mamlakatimizda iqtisodiyot tarmoqlari jadal 
sur’atlar bilan harakatlanib O’zbekiston bozor munosabatlariga asoslangan 
ko’p ukladli iqtisodiyotga tayanadigan huquqiy demokratik va fuqarolik 
jamiyatini barpo etmoqda. O’zbekiston Respublikasi iqtisodiy tizimi – bu 
davlat iqtisodiy hayotining asosini qamrab olib, mavjud bo’lgan mulk 
shakllarining xususiyatini, ijtimoiy yo’nalishga qaratilgan ishlab 
chiqarish maqsadini, ijtimoiy mahsulotning adolatli taqsimoti tamoyilini 
va xalq xo’jaligini boshqarish asoslarini belgilab beradigan mulkiy 
munosabatlardan iborat. Fuqarolarning huquq va erkinliklarini iqtisodiy 

---

274 
kafolatlash davlatda amal qilib turgan iqtisodiy tizim orqali namoyon 
bo’ladi. 
Iqtisodiy kafolatlarga: 
-
adolatli iste’mol savatini davlat tomonidan rasmiy ravishda 
mustahkamlanishi; 
-
oylik ish haqining eng kam miqdorini belgilanishi; 
-
davlat tomonidan aholining kam ta’minlangan qatlamini, 
voyaga yetmaganlar va nogironlarni ijtimoiy himoyalanishi; 
-
barcha mulk shakllarining tengligi hamda fuqarolarning mulkiy 
huquqlarini ta’minlanishi kiradi.