Harbiy-texnik instituti konstitutsiyaviy huquq

3-§.Prokuratura organlarining yagona markazlashtirilgan tizimi 
Prokuratura organlari inson huquqlarini, jamiyat va davlat 
manfaatlarini muhofaza qiluvchi eng muhim konstitutsiyaviy organlardan 
biri sanaladi. Prokuratura organlariga konstitutsiyaviy maqom berilishi, 
avvalo, mazkur tuzilmaning inson, jamiyat va davlat manfaatlarini 

---

707 
muhofaza qilishdagi, mamlakatda qonuniylik, qonun ustuvorligi va 
adolatni ta’minlashdagi o’rni bilan chambarchas bog’liq. 
O’zbekiston Respublikasi Prezidenti Shavkat Mirziyoyev 2017-yil
7-yanvarda prokuratura organlari xodimlari kuni oldidan soha xodimlari 
bilan uchrashuvda ushbu masalaga alohida e’tibor qaratib, “Odamlar 
hamma narsaga chidashi mumkin, adolatsizlikka chiday olmaydi. 
Jamiyatda adolat barqaror bo’lishida prokuratura organlarining o’rni katta 
bo’lmog’i kerak”, deb ta’kidladilar. 
O’tgan 26 yil mobaynida prokuratura organlari izchil rivojlanish va 
taraqqiyot yo’lini bosib o’tdi. Ayniqsa, O’zbekiston Respublikasi 
Prezidentining “Ijtimoiy-iqtisodiy islohotlarni amalga oshirish, 
mamlakatni modernizatsiya qilish, inson huquq va erkinliklarining 
ishonchli himoyasini ta’minlashda prokuratura organlarining rolini 
kuchaytirish to’g’risida”gi 2017-yil 18-apreldagi PF-5019-sonli 
Farmonining qabul qilinishi prokuratura organlari faoliyatini 
takomillashtirishda muhim qadam bo’ldi. Ushbu hujjatga asosan, 
2017-2021-yillarda O’zbekiston Respublikasini rivojlantirishning 
beshta ustuvor yo’nalishi bo’yicha Harakatlar strategiyasining samarali 
ro’yobga chiqarilishi – mamlakatda qonuniylik va huquq-tartibotni 
ta’minlash, demokratik, ijtimoiy-iqtisodiy islohotlarni amalga oshirish 
hamda inson huquq va erkinliklarini ishonchli himoya qilishga qaratilgan 
qonun hujjatlarini so’zsiz ijro etish uchun prokuratura organlarining
kuch va imkoniyatlarini to’liq safarbar qilish ko’zda tutilgan. 
“Prokuratura to’g’risida”gi Qonun