Harbiy-texnik instituti konstitutsiyaviy huquq

Oshkoralik.
Konstitutsiyaviy sudning majlislari, qoida tariqasida, 
ochiq o’tkaziladi. 
Taraflarning tortishuvi va teng huquqliligi. 
Konstitutsiyaviy sud-
lov ishlarini yuritish taraflarning tortishuvi va teng huquqliligi 
asosida amalga oshiriladi. 
Taraflar ko’rib chiqilayotgan ish yuzasidan dalillar taqdim etish, il-
timosnomalar bayon etish, fikrlar bildirish, o’z nuqtayi nazarini himoya qi-
lish bo’yicha teng huquq va imkoniyatlardan tortishuv asosida foydala-
nadi. 
Konstitutsiyaviy sudning hujjatlari boshqa sud hujjatlari va qonun 
hujjatlari kabi barcha davlat hokimiyati va boshqaruvi organlari, 
shuningdek, korxonalar, muassasalar, tashkilotlar hamda jamoat 
birlashmalari, mansabdor shaxslar va fuqarolar uchun majburiy 

---

635 
hisoblanadi. 
Konstitutsiyaviy sudning normativ-huquqiy hujjatlarni, hujjatlar 
va ularning nusxalarini taqdim etish to’g’risidagi, ko’rib chiqilayotgan 
masalalar yuzasidan tushuntirishlar va maslahatlar berish haqidagi 
talablari ular yuborilgan barcha organlar uchun majburiydir. 
Konstitutsiyaviy sudning faoliyat yo’nalishlaridan biri – uning 
O’zbekiston Respublikasi Oliy Majlisining Qonunchilik palatasida 
qonunchilik tashabbusi
egaligidir. Oliy Majlisning Qonunchilik 
palatasida qonunchilik tashabbusi unga ega bo’lgan organ yoki mansabdor 
shaxs qonun loyihasini rasmiy kiritish huquqini beradi hamda 
Qonunchilik palatasiga esa, ushbu qonun loyihasini o’zining yig’ilishida 
ko’rib chiqish va tegishli qaror qabul qilish majburiyatini yuklaydi. 
Konstitutsiyaviy sudning faoliyat tartibi uning Reglamenti bilan 
belgilanadi. O’zbekiston Respublikasi Konstitutsiyaviy sudining 
Reglamenti O’zbekiston Respublikasi Konstitutsiyaviy sudi tomonidan 
2015-yil 17-aprelda qabul qilingan, 7 bo’lim 90 moddadan iborat.
Unda Konstitutsiyaviy Sudning asosiy tashqiliy va faoliyatini tashkil
etish qoidalari, Konstitutsiyaviy sud ishlarini yuritishning umumiy 
masalalari, Konstitutsiyaviy sudda ko’rib chiqish uchun masala kiritish, 
masalani dastlabki o’rganish va ko’rib chiqish uchun tayyorlash, ishni 
Konstitutsiyaviy sud majlisida ko’rib chiqish, konstitutsiyaviy 
sudning 
qarorlari, ayrim turdagi ishlar bo’yicha ish yuritishning 
xususiyatlari, konstitutsiyaviy sudnging devoni, ilmiy-maslahatlashuv 
kengashi, Konstitutsiyaviy sudning boshqa tashkilotlar bilan 
hamkorliginini qamrab olgan boshqa masalalari tartibga solingan.