Harbit talim muassasalari haqida umumiy hamma malumot

Toshkent axborot texnologiyalari universitetining Maxsus fakultetida: telekommunikatsiya tizimlari taktik qo‘mondon-muhandisligi; radiokommunikatsiya tizimlari taktik qo‘mondon-muhandisligi; axborot xavfsizligi va axborot texnologiyalari taktik qo‘mondon-muhandisligi; radioelektron razvedka va kurash taktik qo‘mondon-muhandisligi; radiotexnik qo‘shinlarni havo hujumidan mudofaa taktik qo‘mondon-muhandisligi; zenit-raketa qo‘shinlarni havo hujumidan mudofaa taktik qo‘mondon-muhandisligi; kriptografik himoya va maxfiy rejim taktik qo‘mondon-muhandisligi kabi mutaxassislarni tayyorlaydi. O‘qish muddati 5 yil. Maxsus fakultet manzili: 100190, Toshkent shahri, Yunusobod tumani, Mirzaahmedov ko‘chasi, 9.
	Toshkent tibbiyot akademiyasi huzuridagi Harbiy-tibbiyot fakultetida: Toshkent tibbiyot akademiyasining davolash fakulteti 5 kursini bitirgan talabalar qabul qilinadi va harbiy vrachlar tayyorlanadi. O‘qish muddati 2 yil. Fakultet manzili: 100000, Toshkent shahri, Ziyolilar ko‘chasi, 4.

HARBIY MA’LUMOT VA FUQAROLIK MUTAXASSISLIGI
Bilim yurti bitiruvchilari quyidagilarga ega bo‘lishi mumkin:

– oliy harbiy ma’lumot;

– oliy ma’lumot to‘g‘risidagi diplom;

– davlat ta’lim standartiga mos fuqarolik mutaxassisligi.

KIMLAR KURSANT BO‘LIShLARI MUMKIN?

Bilim yurtlariga o‘qishga O‘zbekiston Respublikasining quyidagi fuqarolari qabul qilinadilar: o‘n yetti yoshdan yigirma bir yoshgacha bo‘lgan, shu jumladan o‘qishga qabul qilingan yili o‘n yetti yoshga to‘ladigan fuqarolar, shuningdek, harbiy ta’lim muassasalarida o‘qish istagini bildirgan, ofitserlar tarkibi harbiy unvoniga ega bo‘lmagan, o‘n sakkiz yoshdan yigirma besh yoshgacha bo‘lgan harbiy xizmatchilar va harbiy xizmatga majburlar.