Harakatli o‘yinlar

40. «To‘pni ilib ol va tegiz» o‘yini. (35-rasm)

O‘yinchilar (15-20 kishi) qo‘lni yon tomonga uzatgan holda doira bo‘lib turadilar. O‘yinchilardan bittasi voleybol to‘pini olib, o‘rtoqlariga oshiradi, ular boshqalarga oshiradi, to‘pni oshirish paytida ushlab ololmagan yoki noto‘g‘ri urib qaytargan o‘yinchi onaboshi bo‘ladi. Hamma o‘yinchilar maydon bo‘ylab yugurib yuradi. Onaboshi to‘pni tezda yuqoriga ko‘tarib «To‘xta» deb baqiradi. Hamma o‘yinchilar «To‘xta» komandasini eshitkandan keyin to‘xtab turgan joyidan qo‘zg‘almasdan turishi kerak. Onaboshi to‘pni turgan joyidan biror o‘yinchini mo‘ljalga olib, unga otadi. Mo‘ljalga olingan o‘yinchi joyidan qo‘zg‘almasligi, chap va o‘ng tomonga egilmasligi hamda o‘tirib olishi mumkin emas. Agar onaboshi biror o‘yinchiga to‘pni tegizsa, u g‘olib hisoblanadi. Hamma o‘yinchi joyiga qaytib turadi, o‘yin shu zaylda davom etadi.

Agar onaboshi to‘pni o‘yinchiga tegizsa olmasa, o‘yinchilarlarning hammasi yugurib ketadi. Onaboshi to‘pni tutib olib, o‘yinchilardan birortasiga «To‘xta» deb unga otadi. To‘p tekkan onaboshi bo‘ladi. O‘yin yana boshqatdan boshlanadi.