Hamda mudofaa vazirligi buxoro davlat universiteti

Fanni o‘qitishdagi yangi texnologiyalar .

CHQBT fani tashkili va uslubiyoti kursini o‘rgatilishida zamonaviy axborot texnalogiyalaridan , interfaol uslublardan , pedogogik innavatsion texnologiyalardan ilg‘or tajribalardan shuningdek, mudofa vazirligi tomonidan ta’minlanadigan ko‘rgazmali vosita va buyumlardan unumli foydalanadi.

13/1-mavzu: «CHQBT fani o‘quv dasturining «Harbiy xizmat asoslari» bo‘limi bo‘yicha mashg‘ulotlarni tashkil etish va o‘tkazish uslubiyoti».

O‘quv savollari:

1. CHQBT o‘qituvchisining «Harbiy xizmat asoslari» bo‘limi bo‘yicha mashg‘ulotlarni o‘tkazish uchun tayyorgarlik ko‘rish va o‘tkazish jarayoning mazmuni.

2. Mashg‘ulotlarni o‘tkazishda foydalaniladigan o‘quv moddiy baza va qo‘llaniladigan ta’lim texnika vositalari.

1-o‘quv savoli CHQBT o‘qituvchisining «Harbiy xizmat asoslari» bo‘limi bo‘yicha mashg‘ulotlarni o‘tkazish uchun tayyorgarlik ko‘rish va o‘tkazish jarayoning mazmuni.

«Harbiy xizmat asoslari» bo‘limi bo‘yicha mashg‘ulotlar jarayonida mashg‘ulot rahbari asosan o‘quv materiallarining mazmuni orqali vatanparvarlik tarbiyasini amalga oshiradi. U adabiyotlardan, kinofilim materiallaridan, multimediyalardan, vidyofilim va tablitsalardan, shuningdek, plakat va sxemalardan yurtimiz qahramonlari to‘g‘risidagi materiallarni avvaldan saralab qo‘yadi. Mazkur bo‘lim o‘qitilishida o‘quvchilar O‘zbekiston Respublikasining mudofa doktrinasi, «Mudofaa to‘g‘risidagi, «Umumiy harbiy majburiyat va harbiy xizmat to‘g‘risida»gi qonunlari, muddatli harbiy xizmatni o‘tagan harbiy xizmatchilarga beriladigan imtiyozlar bilan tanishadilar. O‘quvchilarga O‘zbekiston Respublikasi Prezidentining 1996 yilning 9-oktyabridagi Farmoni bilan tasdiqlangan O‘zbekiston Respublikasi Qurolli Kuchlarining harbiy nizomlari qurolli kuchlar shaxsiy tarkibi uchun qonunligini, ularni o‘z vaqtida aniq va so‘zsiz bajarilishi-har bir harbiy xizmatchining muqaddas burchi ekanligi tushuntiriladi. Harbiy rahbar, CHTO‘ o‘qitish jarayonida o‘rganilayotgan o‘quv materialini o‘quvchilarning boshqa fanlar orqali egallagan bilimlarini, shuningdek, mamlakatimizda va jahonda yuz berayotgan muhim siyosiy voqealarni o‘quvchi yoshlarni Qurolli Kuchlar safiga harbiy xizmatga tayyorlash bo‘yicha vazifalar bilan bog‘lab olib borishni ta’minlashi lozim.

Harbiy nizomlarning amaliy harakatlar bilan bog‘liq bo‘lmagan joylarini o‘rganishda hikoya, suhbat, tushuntirish uslublaridan foydalaniladi va tushuntirishni plakatlar, diafilmlar va o‘quv kinofilmlari yordamida amalga oshiriladi. Guruh bo‘yicha posbonning harakatlari maxsus jihozlangan joyda amaliy o‘rganiladi. O‘quvchilarga nizomlarni ongli tarzda o‘zlashtirishlariga yordam berish uchun mashg‘ulotlar jarayonida nizom bilan mustaqil ishlashlariga sharoit yaratib berish maqsadga muvofiqdir.

Dasturning harbiy xizmat asoslari bo‘limiga yangi «Qurolli to‘qnashuvlar huquqi» mavzusini kiritilishi alohida e’tiborga molikdir, gap shundaki, O‘zbekiston Respublikasi 1949 yilgi Jeneva konvensiyalari va 1977 yilgi ularga Qo‘shimcha protokollarga 1993 yil sentyabrida qo‘shilgan. O‘zbekiston Respublikasi Qurolli Kuchlari Ichki xizmat Nizomining 19-moddasida har-bir harbiy xizmatchi harbiy harakatlar olib borilayotgan joylardagi harbiy bo‘lmagan aholi bilan shuningdek, harbiy asrlar bilan muomala qilishning xalqaro qoidalarini bilishi va ularga rioya etishi lozimligi belgilab berilganligi, O‘zbekiston Respublikasi Konstitutsiyasining muqaddimasida qayd etilganidek, O‘zbekiston «xalqaro huquqning umum e’tirof etilgan qoidalarini ustunligini» tan olishini anglatadi. Yoshlarni chaqiruvga qadar boshlang‘ich tayyorgarligi fani o‘quv dasturiga to‘rt soatlik «Qurolli to‘qnashuvlar huquqi» mavzusini kiritilishi O‘zbekiston Respublikasining xalqaro shartnomalarni bajarish yo‘lidagi ishlarga ma’suliyat bilan qarashining ko‘rinishlaridan biridir.

O‘zbekiston Respublikasining «Chaqiruvga qadar boshlang‘ich tayyorgarligi fani o‘quv dasturi»ga to‘rt soatlik «Qurolli to‘qnashuvlar huquqi» mavzusini kiritilishi munosabati bilan 5111500-«CHHT» ta’lim yo‘nalishida ta’lim olayotgan bakalavr talabalari va hozirgi kunda faoliyat ko‘rsatayotgan harbiy rahbar (chaqiruvga qadar boshlang‘ich tayyorgarlik fani o‘kituvchi)larini «Qurolli to‘qnashuvlar huquqi» mavzusi bo‘yicha bilim va malakalarini oshirish va uslubiy mahoratlarini yanada takomillashtirish zururiyati yuzaga keldi.