Халқаро туризм

Ikkinchidan, turistlarga xizmat ko‘rsatishga joylashtirish korxonalari, transport, sayr-tomosha va boshqalar kiritilgan. Ular turistik industriyaning turli sektorlariga qaraydi va odatda har xil egalarga tegishlidir. Ularning har biri o‘zinikiga rahbarlik qiladi, o‘z manfaatini ko‘zlaydi va ko‘p hollarda boshqa egalar manfaatlari bilan to‘qnash keladi. Ular tomonidan yetkaziladigan xizmatlar – joylashtirish, tashish, ovqatlantirish va shunga o‘xshashlar avtomatik ravishda birlashishi mumkin emas. Buning uchun turoperatorlar va milliy (mahalliy) turistik ma’muriyatlarning maxsus sa’y – harakatlari talab etiladi. Turizm industriyasida o‘z tijoriy maqsadlarini ko‘zlagan turli xil firmalar soni ko‘pligi turistik ma’muriyatlarning muvofiqlashtiruvchi rolini qiyinlashtiradi. Turistik markaz odatda kompleks turistik mahsulotlar keng ruyxatini taklif qiladi. Bular har xil iste’molchilar guruhlariga mo‘ljallangan. Ammo bozorda muvaffaqiyat qozonish va o‘z o‘rnini mustahkamlashga turistik xizmat ko‘rsatuvchilar bir maqsad yo‘lida harakat qilsalargina erishish mumkin.

Uchinchidan, turistik mahsulotlar butunligi komponentlari o‘zaro mustahkam bog‘langan. Turistik xizmatlar yetkazib beruvchilar o‘rtasida marketing sohasida hamkorlik qilish uchun keng imkoniyatlar maydoni mavjud. Bu o‘zaro hamkorlik potensiali g‘arb adabiyotida «Komplementar» deb ataladi. Uning amalga oshirilishi sharofati bilan Nyu-York destinatsiyasi turistik bozorga jalb qilinadi. Kuchlarni samarali birlashishiga boshqa misolni kompleks turstik mahsulotlarni sotishni rag‘batlantirishning ingliz tajribasidan olish mumkin. Buyuk Britaniyada turistik kompaniyalar milliy va mahalliy turistik ma’lumotlar qo‘llab-quvvatlashi bilan birgalikda o‘tkaziladigan qo‘shma aksiyalarda ishtirok etadilar. Milliy va mahalliy turistik kompaniyalar ularni reklama kompaniyalari, maxsus nashrlar chiqarish, shuningdek jamoatchilik bilan aloqalarini kengaytirishga homiylik qiladilar. Turistik kompaniyalar qo‘yilgan mablag‘dan sinergetik samara hisobida qo‘shma tadbirlar o‘tkazadilar. Lekin bunda har bir yetkazib beruvchi undan mijoz uchun konkret kurashda individual foydalanadi.

To‘rtinchidan turistik destansiyalarda ko‘pchilik o‘zgarishlar kutilmaganda bozorda talab tarkibiy o‘zgarishi oqibatida ro‘y beradi. Misol uchun, keyingi 10 yilda Shimoliy Yevropa dengiz sporti turlari bo‘yicha oldingi o‘z mavqiyeni yo‘qotdi. Bu shuni ko‘rsatadiki, mavjud raqobatni hisobga olgan holda destinatsiya taraqqiyotini strategik rejalashtirishda turistik talabning tendensiyasi asosida tizimli yondoshish talab qilinadi.

Beshinchidan, turistik mahsulot uchun iste’mol ehtiyojidan kelib chiqib qarashda muhimi jalb qilish qiyofasini yaratish (Nyu-Yorkda muvaffaq bo‘linganidek) hisobi destinatsiya qiyofasi odamda shaxsiy taasurot yoki haqiqatdagina paydo bo‘lishi shart emas. Millionlab amerikaliklar va yevropaliklar hech qachon Las-Vegasda (AQSH, Nevada shtati) bo‘lishmagan. Lekin ular orasida bu turistik markaz haqida tasavvurga ega bo‘lmagan yoki eshitmagan odamlar kam topiladi. Odatda destinatsiya qiyofasi sayohatga kuchli ishtiyoq uyg‘otadi. Shuning uchun turistizm marketingda o‘sha qiyofasini jonlashtirishga, qo‘llab-quvvatlashga alohida e’tibor qaratiladi. Iste’molchini yana qiziqtirish va unda destinatsiya haqida yanada kuchli taasurot paydo qilishga uriniladi.

Shunday qilib, turistik mahsulot konsepsiyasi sayohat haqida bir butun taassurotga qurilgan holda sayyoh qabul qilishida aks etadi. Bu esa turistik xizmatlar yetkazib beruvchilar manfaatiga va turistik ma’muriyat vazifalariga javob beradi.