Халқаро туризм

Америка туризми.
Икки материк – Жанубий Америка ва Шимолий 
Америка 
Америка 
деган умумий ном билан аталадиган битта қитъани ташкил 
этади. Унинг майдони 42,1 млн. кв. км. бўлиб, аҳолиси 850 млн. кишига яқин. 
Америка Шимолий Америка, Марказий Америка ва Жанубий Америкадан 
иборат бўлиб хилма-хил табиат зоналари ва иқлим поясларига бўлинади. 
Кейинги йилларда Америка халқаро туризм бозорида (туристлар келиши-
кетиши ва даромад миқдори соҳасида) бироз ўз мавқиени пасайтирган бўлсада, 
ҳамон у туризм учун ўзининг жозибадорлигини йўқотган эмас. Америка 
қитъасининг халқаро туризмда тутган салмоғи 16,6 % ни ташкил этади.
2005 йилда Америкага ташриф буюрувчи туристларнинг умумий сони 
133,5 млн. кишини ташкил қилди. Америка туризмнинг ривожланишига 2001 
йил 11 сентябрда АҚШда террористик ҳаракатларнинг руй берганлиги катта 
таъсир кўрсатди. Натижада минтақага келувчи туристлар сонининг ўсиши 2001 
йилда 4 % дан, 2002 йилда ўсиш 0,6 % га тушиб кетди. Бундай ҳол 2003 йилда 
(-1 %) ҳам қайтадан такрорланди. Кариб денгизи ҳавзаси ва Жанубий Америка 
ҳудудлар кейинги 2-3 йиллик салбий кўрсаткичлардан сўнг яна юксалиш (+8 ва 
+12 %) поғонасига ўтди. Аргентина, Бразилия каби мамлакатларда ички 
минтақавий туризмнинг ривожланиши кучая борганлиги билан характерланади. 
Умуман, Америка ҳам Европа сингари ички туризм соҳасида учта йирик 
туристик Марказга (АҚШ, Канада, Мексика) эга. Минтақада халқаро туризм 
ҳажмининг қисқаришига қарамасдан Шимолий Америка минтақаси ҳамон 
жаҳон туризм бозорида ўзининг тутган ўрнини (15,7 %) пасайтиргани йўқ. 
Америка минтақаси учун туризмнинг гуруҳлашган шакли характерлидир. 
Сўнгги йилларда Американинг Кариб ҳавзаси, Марказий Америка ва 
асосан Жанубий Америка туризмининг мавқеи тобора кўтарилиб бормоқда. 
Жанубий Америка халқаро туристларнинг ташрифи билан алоҳида 
ажралиб туради. Чунки ушбу минтақа ўзининг хилма-хил, такрорланмас табиий 
ресурслари, тарихий ёдгорликлари, маданияти, этник турмуш-тарзи билан 
характерланади. 

---

50