Халқаро туризм

Африка туризми.
Африка қитъаси умумий майдони ороллари билан 
биргаликда 30,3 млн. кв.кмга тенг. Аҳолисининг умумий сони 900 млн. кишига 
яқин. Минтақа сиёсий харитасида ҳаммаси бўлиб 56 та энди ривожланаётган 
давлатлар бор.
Африка халқаро туризм соҳаси бўйича унчалик юқори ўринни 
эгалламайди. Унинг халқаро туристлар ташрифи бўйича бору-йўғи 4,6 % ни 
эгаллайди. Агар 1990 йилда бутун Африка мамлакатларига келувчи туристлар 
сони 15,2 млн. киши бўлган бўлса, 2005 йилга келиб уларнинг умумий сони 
36,7 млн. кишига етди ёки ташриф буюрувчи туристлар сони 2,4 баробарга 
кўпайди. 
Африка минтақаси ташриф буюрувчи туристларнинг ўсиш даражаси 
бўйича энг олдинги ўринга чиқиб олди. 2005 йил маълумотига кўра уларнинг 
ўсиш даражаси 9 % атрофида кузатилди. Энг кўп ташриф буюрувчи туристлар 
Жазоирга (17%), Марокко (7 %) ва Тунисга (6 %) тўғри келади. Африканинг 
жанубий қисмидаги мамлакатларда, жумладан Конго Демократик Республикаси 

---

52 
(+103 %), Свазиленд (+83 %), Гамбия (+23 %), Сенегая (+15 %) кабилар юқори 
натижаларга эришдилар. Африкадаги халқаро туризмнинг энг муҳим 
ривожланган марказларидаги Жанубий Африка Республикаси (+6%) ҳам ўз 
натижаларини яхшиладилар. Кенияда ҳам халқаро туризм борган сари 
ривожланиб бормоқда ва кейинги пайтларда яхши кўрсаткичларга эришди.
Африка туризмининг таҳлили шуни кўрсатадики, минтақага ташриф 
буюрувчи туристлар бўйича биринчи ўринни Жанубий Африка Республикаси 
(ЖАР) эгаллайди. Африкада туризмга бўлган қизиқиш борган сари ортиб 
бормоқда. Туристик сервисни такомиллаштириш ва унинг хилма-хиллигини 
оширшга эътибор кучайиб бормоқда. Хорижий мамлакатлардан келаётган 
сармояларнинг бир қисми туризм индустриясини ривожлантиришга 
йўналтирилмоқда. 
2005 йилда мамлакатга келувчи туристлар сони 7,5 млн. кишидан ортиқ 
бўлган. Кейинги ўринларни Тунис (6,4 млн.), Марокко (5,8 млн.), Зимбабе (1,6 
млн.), Жазоир (1,4 млн.) каби мамлакатлар эгаллайди. Халқаро туризмдан 
келадиган тушум (даромад) бўйича ҳам биринчи ўринни ЖАР (7,3 млрд. долл.) 
эгаллайди. Кейинги ўринларни Марокко (4,6 млрд. долл), Тунис (2,1 млрд. 
долл), Маврикий (871 млн. долл), Танзания (796 млн. долл), Кения (579 млн. 
долл), Ботсвана (562 млн. долл) каби давлатлар эгаллайди.