Халқ таълими вазирлиги

1-Мавзу: Психологик хизматнинг мақсади ва вазифалари 
РЕЖА: 
1. Халқ таълими тизимида психологик хизматнинг мақсади 
2. Психологик хизматнинг асосий вазифалари
3
. 
Психологик хизмат маҳсулдорлигининг шароитлари
 
Таянч иборалар
: психологик хизматнинг мақсади, психологик хизматнинг 
асосий вазифалари, ўқувчиларга индивидуал ѐндашув 
1. Халқ таълими тизимида психологик хизматнинг мақсади 
Бугунги кунда ўқувчиларга таълим бериш ва уларни тарбиялаш 
мавжуд илмий психологик билимларга таянган ҳолда олиб борилиши учун 
таълим тизимида психологик хизмат ташкил этилмоқда ва у ишлаб турибди. 
Бу хизматда "психология" мутахассислигига эга бўлган олий маълумотли 
мутахассислар ишлаши керак. Бу ходимлар боланинг чақалоқлик давридан 
бошлаб то юқори синфгача (илк ўспиринлик) бўлган даврида уни ўқитиш ва 
тарбиялаш, унинг тақдири билан боғлиқ бўлган барча саволларни ечишда 
иштирок этадилар. Бола туғилгандан то мактабни тамомлагунга қадар бутун 
ҳаѐти давомида мутахассис психолог эътиборида бўлиши керак. Демак, 16-18 
йил давомида боланинг психологик ривожланиши тизимли равишда 
кузатилиб борилиши керак. Бу давр мобайнида доимий психодиагностик 
ўрганишлар амалга оширилади бола психик тараққиѐтининг характери ва 
тезлиги баҳоланади, болани ўқитиш ва унга тарбия бериш юзасидан 
тавсиялар берилади, ва уларни амалга ошириш назорат қилинади. 
Психологик хизмат халқ таълими тизимининг муҳим таркибий қисми 
бўлиб, Халқ таълими тизимидаги психологик хизмат республикадаги яхлит 
психологик хизматнинг энг муҳим жабҳаси ҳисобланади. 
Психологик хизмат Ўқувчиларни касб-ҳунарга йўналтириш ва 
психологик-педагогик Республика ташхис Марказининг таркибий тузилмаси 
ҳисобланади. 
Мактаблардаги психологик хизмат ўрта махсус таълимнинг зарурий 
таркибий қисмидир. Бу хизматнинг зарурийлиги мактаб эҳтиѐжларидан 
келиб чиқади. Ҳар бир ўқувчида ҳаѐтга ижодий муносабат ва индивидуал 
хусусиятларнинг тараққиѐти таъминлаганлигини психологик хизмат тўғри 
ташкил этилган дейиш мумкин. 
Психолог ўзининг инсон ҳулқ-атвори ва психик фаолияти, психик 
тараққиѐтнинг ѐш қонуниятлари ҳақидаги касбий билимларига, уларнинг 
ўқувчилар ва катталар, тенгдошлари билан ўзаро муносабат хусусиятларига, 
ўқув-тарбия жараѐнини ташкил этишга боғлиқлигига таяниб, болага 
индивидуал ѐндашув имкониятларини таъминлайди, унинг қобилиятларини 

---

20 
аниқлайди, нормадан оғишишларнинг бўлиши мумкин бўлган сабабларини 
психологик-педагогик коррекция қилиш йўлларини аниқлайди. Бу билан 
психологик хизмат мактабда ўқув-тарбия ишининг маҳсулдорлигини 
оширишга, ижодий фаол шахсни шакллантиришга имкон беради.