Халқ таълими ходимлари малакасини ошириш тизимини ислоҳ қилишнинг долзарб

Дарснинг учинчи қисми
да ўқитувчи янги мавзу юзасидан амалий мустаҳкамлаш 
жараёнини ўтказади. Амалий мустаҳкамлаш жараёни дарсликдан, натурага қараб 

---

152 
тасвирлаш, композиция фаолият туридан ҳамда интерфаол методлар асосида тайёрланган 
бўлиши мумкин. Ўқувчилар амалий вазифани бажараётган пайтда, вақтни тежаш учун
ўқитувчи уй вазифаларини кўриб, баҳолаб олади. Уларнинг амалий ишларига индивидуал 
йўлланмалар беради. Гуруҳлардаги уй вазифасини энг намунали бажариб келган ҳамда 
амалий вазифани намунали бажараётган ўқувчиларнинг исми ва фамилияларини 
дафтарчасига ёзиб қўяди. Ёзув тахтасига осилган гуруҳларни баҳолаш жадвалига рағбатни 
скотчлаб қўяди.
Ҳар чоракда бир маротаба ўтказиладиган суҳбат дарсларида амалий мустаҳкамлаш 
10-15 дақиқага мўлжалланган бўлиб, тест ёки интерфаол методлар асосида тайёрланиши 
мумкин. Дарсни амалий мустаҳкамлашга ажратилган вақт тугагандан сўнг, ўқитувчи 
дарснинг кейинги қисмига тайёрланади. 
Дарснинг тўртинчи қисми
да ўқитувчи янги мавзу юзасидан назарий мустаҳкамлаш
машқини олиб бориши фойдалидир. Бунда гуруҳларга янги дарс бўйича оғзаки, карточка, 
расм кўринишидаги ёки слайд орқали экранда кўрсатиладиган саволлар тақдим қилиниши 
мумкин. Назарий мустаҳкамлаш топшириғи учун 4 дақиқа кифоя қилади. Масалан, 
интерфаол методлардан бири «Мойчечак» методини қўллаш яхши самара беради. 
Ўқитувчи дарсни назарий мустаҳкамлаш босқичида иштирок этган ўқувчиларни баҳолаб, 
дафтарчасига ёзиб қўяди. Ёзув тахтасига осилган гуруҳларни баҳолаш жадвалига рағбатни 
скотчлаб қўяди. 
Дарснинг сўнгги, бешинчи қисми
да ўқитувчи дарсни умумлаштириб, дарс 
мақсадига эришилганлигини назоратдан ўтказиб олади, ўқувчилар эгаллаган билим ва 
малакалари, қайси масалада кўпроқ ишлаш лозимлигини эътиборга олиб, керакли 
йўлланмалар беради. Ўқитувчи бугунги дарсга қисқача ҳулоса қилиб, дарснинг биринчи,
учинчи, тўртинчи қисмида фаол иштирок этган ўқувчиларни номма-ном ўқиб, 
рағбатлантиради. Уй вазифаси ва амалий ишни энг намунали бажарган ўқувчиларнинг 
ишлари кўрсатилиб таҳлил қилинади. Ўқитувчи ёзув тахтасида осилган гуруҳларни 
баҳолаш жадвали ёнига келиб, дарсда фаоллик кўрсатган гуруҳни намуна сифатида 
эътироф этади, ўқувчилар олган баҳоларидан хабардор қилинади. Лекин ўқитувчидан дарс 
қисмлари вақтини назорат қилиб бориши талаб этилади. Дарсга якун ясалгандан сўнг 
уйга вазифа эълон қилинади. Зарур бўлса, қўшимча кўрсатмалар берилади.