Халқ таълими ходимлари малакасини ошириш тизимини ислоҳ қилишнинг долзарб

Тарбиячи-бола» 
муносабати учун ҳамкорликдаги фаолият, яъни ижобий ҳиссий ҳолатлар, эзгулик, 
бағрикенглик асосида мулоқот қилиш тақозо этилади. Мана шу жараёнда бола ва 
тарбиячининг бир-бирларини ижобий қабул қилишлари, ўзаро бир-бирини тушуниши, 
тинглаши ва ўзаро ишонч асосий омил бўлади.
Тарбиячи учун зарур бўлган малака ва кўникма бу - бола руҳиятини ҳис қилиш, 
унинг ҳатти-ҳаракатларини тўғри қабул қилиш, асосан болани севишидир. Тарбиячи ва 
бола ўртасида ўзаро таъсир кўрсатишдаги психологик жиҳатлардан бири - шахслараро 
таъсирдир. Тарбиячи таълим жараёнининг бошқарувчиси ва ташкилотчисидир. У шундай 
вазият яратиши керакки, болаларнинг кайфияти, ҳолати ва руҳиятини қўллаб-қувватласин.
Педагогик таъсир кўрсатиш бевосита мактабгача таълим муассасасидаги жараёнлар 
қандай ташкил этилганига боғлиқ бўлиб, у болаларнинг қизиқиш ва интилишларини 
таъминлаши лозим.
Тарбиячи таълим-тарбия жараёнининг қурувчиси ва дизайнери бўлиб, бола 
шахсининг ҳар томонлама ривожланишини ўз маъсулиятига олиши керак.
Мактабгача таълим муассасасида қулай муҳит яратишнинг муҳим жиҳатларидан 
бири болани индивидуал равишда унинг қизиқиши, мақсади, имкониятларига мувофиқ 
тўсиқларни енгиб ўтишида қўллаб-қувватлашдир. Тарбиячи юқори касбий маҳоратга эга 
бўлсагина, болани ютуқларга эришиш ёки ижобий натижаларни қўлга киритиш, ўз-ўзини 
бошқаришга, мулоқотчанликка ўргата олади.
Тарбиячи таълим-тарбия беришда фасилитатор вазифасини ҳам бажаради. Яъни 
болани қўллаб-қувватлайди, ёрдам кўрсатади. «Фасилитатор» термини психологияда 
енгиллаштириш, бирор шахснинг фаолиятини оптимал даражага олиб чиқишда кўмак 
беришдир. Таълим жараёнида тарбиячининг фасилитаторлик вазифаси бола билан ижобий 
мулоқот 
ўрнатиш, бирон бир фаолият билан шуғулланаётганида унга ёрдам бериш ва 
руҳан қўллаб туришдан иборат. Бироқ амалий тажрибаларимиз шуни кўрсатдики, 
тарбиячилар фаол ҳаракатларни тўғри ташкил эта олмайдилар, болалар руҳияти, 
қизиқиши ва эҳтиёжларини англай олмайдилар, натижада болалар билан ижобий мулоқот 
ўрната олмайдилар, бор имкониятлар қўлдан бой берилади.