Халқ таълими ходимлари асосий лавозимларининг малака тавсифлари

9-боб. Халқ таълими муассасалари фаолиятини методик
таъминлаш ва ташкил этиш туман (шаҳар) бўлими
ходимларинингмалака тавсифлари 
 
46-§. Халқ таълими муассасалари фаолиятини методик
таъминлаш ва ташкил этиш туман (шаҳар) бўлими
мудири лавозимнинг малака тавсифлари 
 
Тартиб рақами 
751 
Машғулотларнинг миллий стандарт 
классификатори бўйича коди 
1239 
Ходимлар тоифаси 
Бошқарув 
148. Лавозим вазифалари: 
а) бўлимнинг умумий фаолиятига раҳбарлик қилиш ва бўлимга юкланган барча 
вазифаларни бажариш; 

---

64 
б) кадрларни танлаш ва жой-жойига қўйиш, бўлим номенклатурасига кирувчи таълим 
муассасаларининг раҳбар кадрларини юқори турувчи халқ таълими бошқарув органларига 
келишиш учун тақдим этиш; 
в) умумий ўрта таълим мактабларини юқори малакали педагог ходимлар билан 
тўлдириш бўйича чора-тадбирларни амалга ошириш, улар меҳнатини рағбатлантириш 
ишларини амалга ошириш; 
г) халқ таълими муассасалари педагогик кадрларни қайта тайѐрлаш ва малакасини 
оширишни таъминлаш; 
д) давлат таълим стандартларининг бажарилишини таъминлаш ва таълим сифатини 
ошириш чора-тадбирларни белгилаш; 
е) ўқувчиларнинг маънавий-ахлоқий тарбияси ва маърифий ишларнинг самарали 
шаклларини ҳамда услубларини ишлаб чиқиш ва жорий этилишини таъминлаш; 
ж) тасарруфидаги таълим муассасаларининг ўқувчилар шахсининг умумий 
маданиятини шакллантириш, жамият ҳаѐтига мослашуви, касбий таълим дастурларини онгли 
танлаш ва кейинги ўзлаштирилиши асосларини яратиш, жамият, оила ва давлат олдидаги 
масъулиятини ҳис қиладиган шахсни тарбиялаш ишларини амалга ошириш; 
з) таълим муассасаларини аттестация ва аккредитациядан сифатли ўтказиш бўйича 
ишларни ташкил этиш; 
и) таълим муассасаларида ахборот-коммуникация технологияларини жорий этилиши 
сифатини таъминлаш; 
к) таълим тизимида бюджет ва бюджетдан ташқари маблағларни мақсадли 
сарфланишига раҳбарлик қилиш; 
л) корхона, муассаса ва ташкилотлар билан хўжалик шарномалари тузишда бўлим 
номидан фаолият юритиш, унинг манфаатларини ҳимоя қилиш; 
м) таълим тизимида турли органлар ва жамоат ташкилотлари билан ўзаро манфаатли 
ҳамкорликни ривожлантириш бўйича чора-тадбирларни амалга ошириш; 
н) умумий ўрта таълим мактабларининг тўққизинчи синф битирувчиларини 
таълимнинг кейинги босқичига жалб қилиш ишларини амалга ошириш; 
о) таълим муассасалари биноларини капитал таъмирлаш ва реконструкция қилиш 
ишларини қаътий назорат қилиш; 
п) таълим муассасаларида жисмоний тарбия ва спорт базасини мустаҳкамлаш ҳамда 
оммавий спортни ривожлантириш, ўқувчиларни унга жалб қилиш ишларини амалга ошириш; 
р) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидаларига риоя қилинишини таъминлаш. 
149. Билиши лозим: 
а) халқ таълими тизимига оид ва болалар ҳуқуқларини муҳофаза қилиш соҳасидаги 
норматив-ҳуқуқий ҳужжатларни; 
б) мактабгача таълимга қўйилган давлат талабларининг, мактабдан ташқари таълимга 
қўйилган давлат талабларининг ва давлат таълим стандартлари талабларининг мазмунини; 
в) таълим муассасаларидаги ўқув ва тарбия сифатини оширишнинг усулларини; 
г) ходимларни маънавий ва моддий рағбатлантириш тизимлари ва методларини; 
д) мактабгача педагогика ва психологияни, мактабгача ѐшдаги болаларни ўқитиш ва 
тарбиялаш шакл ва методларини ҳамда болаларни мактаб таълимига тайѐрлаш дастури ва 
тарбиявий ишлар концепциясини; 
е) кадрларни танлаш ва жой-жойига қўйиш усуллари, уларнинг малакасини ошириш 
ва қайта тайѐрлаш тартибини, жамоада қулай психологик муҳит яратишни; 
ж) педагогика, психология, болалар физиологиясини, жамоада қулай психологик 
муҳит яратишни; 

---

65 
з) ўқув ва тарбия жараѐнида ўқитиш техникавий воситаларидан фойдаланиш 
амалиѐтини, таълим муассасаси ва ўқитувчилар фаолиятини таҳлил қила олиш, 
муаммоларини аниқлаш ва уларни ҳал қилишнинг самарали йўлларини топишни; 
и) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидаларини. 
150. Малака талаблари: 
а) камида бакалавр даражасидаги олий педагогик маълумот; 
б) хорижий тиллардан бирининг бошланғич босқичини ва ахборот-коммуникация 
технологияларидан фойдаланишни билиши; 
в) беш йилдан кам бўлмаган педагогик иш стажи.