Халқ таълими ходимлари асосий лавозимларининг малака тавсифлари

 
6-боб. Болалар мусиқа ва санъат мактаби
ходимларининг малака тавсифлари 
 
28-§. Болалар мусиқа ва санъат мактаби
директори лавозимининг малака
тавсифлари 
 
Тартиб рақами 
542 
Машғулотларнинг миллий стандарт 
классификатори бўйича коди 
1319 
Ходимлар тоифаси 
Бошқарув 
91. Лавозим вазифалари: 
а) Болалар мусиқа ва санъат мактаби (бундан буѐн матнда мусиқа мактаби деб 
юритилади) фаолиятига умумий раҳбарлик қилиш, ўқув-тарбия жараѐнлари ва таълим 
тизимини ривожлантириш ҳамда такомиллаштириш, шунингдек мактабда таълим сифатини 
яхшилашнинг асосий йўналишларини белгилаш, давлат ва жамоат ташкилотларида мактаб 
манфаатларини ҳимоя қилиш; 
б) мусиқа мактабининг йиллик ўқув-тарбия режасини тасдиқлаш ва педагогик жамоа 
томонидан ушбу режанинг амалга оширилишини назорат қилиш; 
в) мусиқий ва бадиий педагогиканинг янги ютуқларини ўқув жараѐнига татбиқ этишга 
раҳбарлик қилиш; 
г) ўз ваколати доирасида мусиқа мактабининг молия-хўжалик фаолиятини амалга 
ошириш; 
д) мусиқа мактабининг педагог ходимларга бўлган эҳтиѐжини аниқлаш, кадрларни 
танлаш ва жой-жойига қўйишни амалга ошириш, педагог ходимлар аттестациясини ташкил 
қилиш; 
е) мусиқа мактабида таълим олаѐтган ўқувчиларнинг билимларини назорат қилиш; 
ж) ўқувчиларни мусиқа мактабига қабул қилиш, кейинги синфга ўтказиш ва таълим 
олганлик тўғрисидаги ҳужжатлар беришни ташкил қилиш; 
з) ота-оналар билан ўқув-тарбиявий ишларни такомиллаштириш бўйича ҳамкорликни 
ташкил қилиш; 
и) ходимларга меҳнат қилиш ва малакасини ошириш учун шароитлар яратиш, мусиқа 
мактаби ходимларининг вазифалари ва лавозим мажбуриятларини белгилаш, уларни моддий 
ва маънавий жиҳатдан рағбатлантириш ҳамда ўз ваколати доирасида интизомий жазо 
чораларини қўллаш; 
к) корхона, муассаса ва ташкилотлар билан хўжалик шарномалари тузишда мусиқа 
мактаби номидан фаолият юритиш, унинг манфаатларини ҳимоя қилиш, ишончномалар бериш, 
турли йўналишлардаги давлат ва нодавлат жамғармалар билан ўзаро ҳамкорликда иш 
юритиш; 
л) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидалари талабларига риоя қилиш. 

---

40 
92. Билиши лозим: 
а) таълим соҳасидаги ва болалар ҳуқуқларини тартибга солувчи норматив-ҳуқуқий 
ҳужжатларни; 
б) мусиқа мактаби фаолияти ва уни ривожлантиришнинг иқтисодий асосларини; 
в) жамоани бошқаришнинг самарали усуллари, ўқув ва тарбия сифатини яхшилаш 
усулларини; 
г) кадрларни танлаш ва жой-жойига қўйиш усуллари, уларнинг малакасини ошириш ва 
қайта тайѐрлаш тартибини; 
д) мусиқа мактаби фаолиятини таҳлил қила олишни, муаммоларини аниқлаш ва 
уларни ҳал қилишнинг самарали йўлларини топишни; 
е) ўқув жараѐнида илғор педагогик ва ахборот технологияларини қўллай олишни; 
ж) педагогик жамоада қулай психологик ва ижодий муҳит яратишни; 
з) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидаларини. 
93. Малака талаблари: 
а) мусиқа ва санъат соҳаси бўйича камида бакалавр даражасидаги олий маълумот; 
б) хорижий тиллардан бирининг бошланғич босқичини ва ахборот-коммуникация 
технологияларидан фойдаланишни билиши; 
в) беш йилдан кам бўлмаган педагогик иш стажи.