Халқ таълими ходимлари асосий лавозимларининг малака тавсифлари

5-§. Мактабгача таълим муассасалари мусиқа йўналиши
бўйича мутахассиси лавозимининг
малака тавсифлари 
Тартиб рақами 
1766 
Машғулотларнинг миллий стандарт 
классификатори бўйича коди 
3453
Ходимлар тоифаси 
Мутахассис 
17. Лавозим вазифалари: 
а) тарбияланувчиларнинг мусиқавий қобилиятларини ва туйғу соҳасини, ижодий 
фаолиятини ривожлантиришни амалга ошириш; 
б) мусиқавий фаолиятни ташкил қилишнинг турли шакл ва кўринишларидан 
фойдаланиб, уларда эстетик дидни шакллантириш, мусиқа асбобида ижро техникасини 
маҳорат билан бажариш; 
в) тарбияланувчилар билан якка ва жамоавий тартибда ишлаш, қобилиятли ва 
иқтидорли тарбияланувчиларни танлаб олиш, уларнинг мусиқий қобилиятларини 
ривожлантиришга кўмаклашиш; 
г) тарбияланувчиларнинг индивидуал ва ѐш хусусиятларини, ижодий қобилиятларини 
ҳисобга олиб педагогик фаолият йўналишларини белгилаш; 
д) тарбиячилар билан бирга тарбияланувчиларни рақс, ашула, мусиқий ўйинларга 
ўргатиш; 
е) ота-оналарга фарзандларининг мусиқий тарбияси, таълими юзасидан маслаҳатлар 
бериш, ота-оналар ва педагог ходимларнинг тарбиявий ишларнинг шу йўналишидаги 
фаолиятини мувофиқлаштириш; 
ж) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидалари талабларига риоя қилиш. 
18. Билиши лозим: 
а) мактабгача таълимга қўйилган давлат талаблари мазмунини, амалдаги мактабгача 
таълим муассасаларда мусиқий таълимга оид норматив-ҳуқуқий, методик ва бошқа 
ҳужжатларни; 
б) болалар мусиқа таълими назарияси ва амалиѐти асосларини, болалар мусиқа 
адабиѐтини, хореография асосларини, хор жамоаси билан ишлашни, саҳналар, маданий-
оммавий тадбирларни ўтказиш дастурларини ҳамда уларнинг тартибини амалий жиҳатдан 
ишлаб чиқишни; 
в) болалар шахсини ривожлантиришнинг индивидуал хусусиятлари, турли ѐшдаги 
болаларнинг мусиқавий идроки, туйғулари, моторикаси ва мусиқий имкониятларини; 
г) ўзбек, шарқ ва хорижий бастакорлар, халқ ҳофизлари ҳаѐти ва ижодини, мусиқа 
тарихини ва маданиятини, болалар репертуари асарларини; 

---

8 
д) мусиқа асбобларини, шунингдек ўзбек, шарқ, европа мумтоз мусиқа санъатини, 
операни, балетни, вокал-хор кўникмаларини; 
е) Ўзбекистоннинг турли ҳудудларига хос бўлган мусиқа методларини ва усулларини, 
инструментал ва ижро йўналишларини, мусиқавий ўйинларни, мусиқавий вазн 
ҳаракатларини; 
ж) ривожланишда нуқсони бўлган болалар билан ишлашда дефектология асослари ва 
тегишли методикаларни; 
з) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидаларини. 
19. Малака талаблари: 
а) камида ўрта махсус мусиқавий маълумот; 
б) амалий иш стажи талаб этилмайди.