Халқ таълими ходимлари асосий лавозимларининг малака тавсифлари

36-§. Халқ таълими туман (шаҳар) бўлими Таълим муассасалари фаолиятини ташкил
этиш шўъбаси бош мутахассиси лавозимининг малака тавсифлари

Тартиб рақами	341
Машғулотларнинг миллий стандарт классификатори бўйича коди	1120
Ходимлар тоифаси	Бошқарув

107. Лавозим вазифалари:

а) бўлимнинг умумий ўрта таълим мактаблари фаолияти мониторинги бўйича ишларини режалаштириш ва амалга ошириш;
б) гуруҳ раҳбари билан биргаликда умумтаълим мактабларини йиллик мониторинг қилиш режа-жадвали ва дастурини ишлаб чиқиш;
в) умумий ўрта таълим мактаблари фаолиятини мониторинг қилиш материаллари ва дастурини тайёрлаш, ўтказилган мониторинг натижаларини умумлаштириш ва таҳлил қилиш;
г) умумий ўрта таълим мактабларида ўтказилган мониторинг натижалари асосида таълим муассасалари фаолиятини такомиллаштириш бўйича тавсиялар тайёрлаш;
д) таълим сифати мониторинги бўйича таянч таълим муассасалари фаолиятини ташкил қилиш, уларнинг негизида илғор тажрибалар алмашиш, янги педагогик, ахборот-коммуникацион ва бошқа технологияларни жорий этиш масалалари бўйича учрашувлар, семинарлар, конференциялар ўтказиш, улардан таълим-тарбия жараёнида фойдаланишни таъминлаш;
е) таянч таълим муассасалари фаолиятини ташкил этишга методик ёрдам кўрсатиш, таълим муассасаларининг ўқув-тарбия жараёнини методик таъминлаш кичик гуруҳи ходимлари (методистлари) билан ҳамкорликда ўқувчилар билимидаги камчиликларни бартараф этиш бўйича методик материаллар тайёрлаш;
ж) таълим муассасаларида таълим сифатини ошириш юзасидан педагоглар, ўқувчилар ва ота-оналар фикрларини инобатга олган ҳолда таклифлар тайёрлаш ва бўлим раҳбариятига тақдим этиш;
з) касб маҳорати, синфдан ташқари ва тарбиявий ишлари учун устама оладиган педагоглар фаолияти мониторингини амалга ошириш;
и) ўтказилган мониторинг натижалари бўйича бўлим кенгашига материаллар тайёрлаш;
к) санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидалари талабларига риоя қилиш.
108. Билиши лозим:
а) давлатимизнинг халқ таълимига оид ва болалар ҳуқуқларини тартибга солувчи норматив-ҳуқуқий ҳужжатларини;
б) мутахассислиги бўйича янгиликларни, психология-педагогика фани ютуқларини ва уни ҳаётга татбиқ этиш йўлларини;
в) методик ишларни ташкил этиш ва самарадорлигини ошириш усулларини;
г) умумий ўрта таълим мактаби ўқувчиларининг давлат таълим стандартлари талабларини ўзлаштириш мониторингини олиб бориш ва аниқланган камчиликларни бартараф этиш йўлларини;
д) давлат таълим стандартлари, ўқув режа, ўқув дастури ва бошқа ўқув-методик ҳужжатларнинг мазмуни ҳамда ўқув жараёнига татбиқ этиш йўлларини;
е) дарсларни таҳлил қилиш ва амалий ёрдам бериш шаклларини, таълим методларини ва воситаларини;
ж) илғор педагогик технологиялар ва уларни татбиқ этиш методларини, жамоада қулай психологик муҳит яратишни;
з) санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидаларини.
и) меъёрий ҳужжатлар билан ишлаш йўлларини.
109. Малака талаблари:
а) камида бакалавр даражасидаги олий педагогик маълумот;
б) хорижий тиллардан бирининг бошланғич босқичини ва ахборот-коммуникация технологияларидан фойдаланишни билиши;
в) уч йилдан кам бўлмаган педагогик иш стажи.