Халқ таълими ходимлари асосий лавозимларининг малака тавсифлари

73-§. Мультимедиа умумтаълим дастурларини ривожлантириш маркази
иқтисодиёт ва тадбиркорлик бўйича директор ўринбосари-хўжалик
бўлими бошлиғи лавозимининг малака тавсифлари

Тартиб рақами	913
Машғулотларнинг миллий стандарт классификатори бўйича коди	1210
Ходимлар тоифаси	Бошқарув

217. Лавозим вазифалари:
а) мультимедиа марказининг хўжалик фаолиятига, иқтисодиёт ва тадбиркорлик ишларига раҳбарлик қилиш;
б) хўжалик фаолияти бўйича иш режалари лойиҳасини тайёрлаш ва уларнинг ўз вақтида бажарилишини ташкил қилиш;
в) биноларни куз-қиш мавсумига тайёрлаш ишларини, қурилиш, капитал ва жорий таъмирлаш ишларини ташкил қилиш ҳамда бино ва унинг бўлинмаларини ишлаб чиқариш санитарияси ҳамда ёнғин хавфсизлиги қоидалари меъёрларига мувофиқ ҳолатини таъминлаш;
г) мультимедиа марказига ажратилган бюджет маблағлари ва бошқа бюджетдан ташқари тушумлардан тўғри фойдаланишни амалга ошириш ҳамда унинг мулкига эҳтиёткорона муносабатда бўлиш;
д) мультимедиа марказининг моддий-техника базасини мустаҳкамлашга оид чора-тадбирларни амалга ошириш, ўқув жиҳозлари, асбоб-ускуналар ва бошқа таълим воситаларининг сақланишини ва улардан самарали фойдаланишни таъминлаш;
е) ваколати доирасида жисмоний ва юридик шахсларнинг ёзма ва оғзаки мурожаатларини, ариза ва шикоятларини кўриб чиқиш;
ж) ҳудудларни ободонлаштириш, кўкаламзорлаштириш ва тозалаш ишларига раҳбарлик қилиш, ўзига бўйсунувчи тегишли бўлинма ҳамда техник хизмат кўрсатувчи ходимлар ишини мувофиқлаштириш;
з) санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидалари талабларига риоя қилиш.
218. Билиши лозим:
а) халқ таълими тизимига оид ва ахборот-коммуникация технологиялари йўналишига тегишли норматив-ҳуқуқий ҳужжатларни ҳамда шу соҳадаги янгиликларни;
б) жамоада соғлом маънавий муҳитни шакллантириш, аҳил-иноқликни мустаҳкамлаш бўйича фаолият юритишни;
в) мультимедиа марказининг бюджетдан ташқари маблағ топиш фаолиятини ташкил этиш ва бу маблағларнинг амалдаги қоидалар асосида сарф этилишини таъминлашни;
г) кадрларни танлаш ва жой-жойига қўйиш усулларини, уларнинг малакасини ошириш ва қайта тайёрлаш тартибини;
д) ички меҳнат тартиби қоидаларини;
е) санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидаларини.
219. Малака талаблари:
а) иқтисодий йўналиш бўйича камида бакалавр даражасидаги олий маълумот;
б) хорижий тиллардан бирининг бошланғич босқичини ва ахборот-коммуникация технологияларидан фойдаланишни билиши;
в) шу йўналишда камида икки йиллик иш стажи.