Халқ таълими бошқармаларида, таълим муассаларида «наврўЗ» умумхалқ байрамини нишонлаш сценарийси

ХАЛҚ ТАЪЛИМИ БОШҚАРМАЛАРИДА, ТАЪЛИМ МУАССАЛАРИДА «НАВРЎЗ» УМУМХАЛҚ БАЙРАМИНИ НИШОНЛАШ СЦЕНАРИЙСИ


Ўтказиш вақти ____йил __ март соат __-00. Ўтказиш жойи: _______________________
Наврўз байрами ўтказиладитан жой анъанага хос безатилади.
Тадбирни ўтказиш учун мевали ёки манзарали дарахтлар бор жой танланганлиги даврага янада кўрк бағишлайди. «Наврўз — осойишталик рамзи!, «Истиқлол Наврўзи-бахту-иқболим!, «Ассалом, Наврўзим, сен ризқу-рўзим!» каби шиорлар плакатларда акс эттирилади.
Карнай-сурнай, доира садолари ҳаммани байрамга чорлайди. Тадбирга таклиф қилинган меҳмонлар, маҳалла оқсоқоллари, фахрийлар баҳорий неъматлар билан безатилган дастурхон атрофига ўтирадилар.
«Томоша» гуруҳи болаларининг байрам дастури намойиш этилади.
Шўх куй остида миллий либос кийган бошловчи _________________ ва ___________________лар даврага кириб келадилар.
1-бошловчи :
Бу кун муборак тонг, Наврўзи айём,
Бу кун эзгуликка чулғанар олам,
Бу кун ҳаяжонда, севинчда юрак,
Эй, азиз дўстларим, Наврўз муборак!
2-бошловчи:
Юртим, илҳомима сарчашма ўзинг,
Бирдек азиз менга ёзинг ҳам кузинг,
Бу кун баҳорингга шеър айтмоқчиман,
Ватаним, муборак бўлсин Наврўзинг!.
1-бошловчи:
— Ассалому-алайкум, ҳурматли меҳмонлар! Азиз отахонлар, муҳтарама онахонлар! Аввало сизларни Наврўз – янги йил, янги кун билаи муборакбод этамиз. Барчангизнинг оилангизга тинчлик-хотиржамлик, ризқ-рўз, барака, ишларингизга унум тилаймиз!
2-бошловчи:
— Ассалому-алайкум, қадрли устозлар, мунис ва мўьтабар дўстлар, азиз тенгдошлар! Манна, ўлкамизга ўз сепини ёйиб Баҳор байрами Наврўзи айём кириб келмоқда. Наврўз – бу қутлуғ калом, муқаддас сўз! Ота-боболаримиздан қолган қадимий байрам.
1-бошловчи:
— Наврўз — бу яшариш, покланиш, уйғониш ва яхшилик олами!
Наврўз – бу меҳр-муҳаббат, оқибат, ўзликни, ўз қадриятларни англаш ва янгиланиш онидир.