Устозлар ижодидан. Т ў р т л и к л а р

Устозлар ижодидан.

Т Ў Р Т Л И К Л А Р

Меҳр истаб инсон гоҳ оғринаркан
Хаёллари оғушида овунаркан,
Тақдир уни олисларга чорлаганда,
Юрак қурғур яқинларин соғинаркан.

* *

Ҳаёт дарёсида сузадир кема,
Кемасиз дарёдан ўтаман дема.
Бу дунё синовли, машаққатлидир,
Азобларсиз муродга етаман дема.

* *

Гарчи бу оламда кўп эрур шайтон,
Гоҳ одам шаклида бўлар намоён
Дилингизда бўлса Худойи Карим,
Шайтон сиздан қочар етти чақарим.

* *

Бугун кўркам замонамиз,
Бахт-иқболли маконимиз.
Тинч ва обод ҳур Ватанда,
Нурга тўлсин кошонамиз.

Шоҳида АҲАДОВА,

4-мактабнинг ўзбек тили ва адабиёти фани ўқитувчиси.

ВАТАНИМИЗ ПОСБОНЛАРИ

Юрт учун жонини аямас ҳеч ҳам,
Юртга содиқ қолар доим аскарлар .
Она юрт тинчлигин сақламоқ учун ,
Ҳар дам хизматдадир мағрур посбонлар!

Қилган қасамёдин унутмас ҳеч ҳам,

Cўзида туради улар мустаҳкам.
Заминга бахш этиб бор ғайрат кучин,
Эл учун хизматда доим ҳарбийлар!

Уйқу нима билмас кеча-ю кундуз,

Тонгда ҳам,тунда ҳам бир хил хизматда.
Ёш авлод кулгуси, севинчи учун,
Ватан хизматига шошар ҳарбийлар!

Улар ҳур Ватаннинг мағрур байроғин,

Кўзга суртиб, асрар азиз тупроғин.
Онадек муқаддас уларга Ватан,
Шон-у шараф учун елар аскарлар!

Адолатбону ҚАҲҲОРОВА,

4-мактабнинг 9- синф ўқувчиси.