Халқ таълими бошқармаларида, таълим муассаларида «наврўЗ» умумхалқ байрамини нишонлаш сценарийси

1-бошловчи:
— Ҳозирги навбатни яна бир қизиқарли ўйинга берамиз. Бу ўйиннинг номи «Қошиқда сув ташиб, қудуқни тўлдириш» дейилади. Аммо бизнинг қатнашчиларимиз қошиқда сув ташиб стаканни тўлдирса хам катта гап. Навбат қатнашчиларга бошқарманинг барча бўлим ходимларига. Қани қарсаклар! Биз уларни қўллаб турамиз, улар эса ўз бошқармалари шаънини ҳимоя киладилар.
2-бошловчи:
— Навбат вилоят ташкилоти раҳбарларига. Маълумки, раҳбарларимиз орасида гулдан нозик, тошдан қаттиқ, Барчинойдек сулув, Тўмарисдек жасур аёлларимиз ҳам бор.Уларни ўзаро куч синашиш учун армреслинг (қўл йиқитари) беллашувига чорлаймиз.
Марҳамат, навбат сизларга!
Шунингдек, марҳамат, хоҳловчилар бўлса улар ҳам ташаббус кўрсатишлари мумкин.
1-Бошловчи:
— Муҳтарам меҳмонлар, мана даврамиз янада қизғин ўтмокда. Байрам тантаналари давом этади. Навбат яна санъаткорларимизга (қўшиқ ва оммавий рақслар).
2-бошловчи:
Бу яшил оламга ўзинг бер тўзим,
Шафтоли гулидай ёришар юзим.
Оқ бодом гулини ўпганинг ростми?
Келганлигинг чинми, қадим Наврўзим?!.
1-бошловчи:
Қизғалдоқ баргидек учар дилдан ғам,
Тошқинлар киради қалбимга маним
Баҳоринг муборак бўлсин ушбу дам,
Менинг Ўзбекистон — дилбар Ватаним!..
2-бошловчи:
— Муҳтарам меҳмонлар! Таълим тизими ходимлари орасида нафақат маънавий-маърифий томондан, балки жисмоний томондан ҳам барчага ўрнак бўла оладиган, тоғни урса толқон қиладиган полвонларимиз кўп.
Ҳозир навбатни Бошқарманинг ва бўлимлараро арқон тортишиш бўйича куч синашишга берсак. Полвонларимизга «Болалар спортини ривожлантириш» бўлими бошлиғи ______________ ҳакамлик қилади. Марҳамат, талабгорлар, йигитман деган, юрагида ўти бор мардларни таклиф киламиз. (Арқон тортиш мусобақаси).
1-бошловчи:
— Навбат муҳтарам санъаткорларимизга.
2-бошловчи:
— Навбат – «Зукко бошлиқлар ўйини»га. (Бунда шар ичига биттадан махсус савол ёзилиб, дарахтларга осилиб қуйилади. Шар устига бўлим бошлиғининг исми ёзиб қўйилган бўлади. Ўйин шарти – қўл тегизмасдан оғизда шарни ёриб, саволга фақат битта сўз орқали жавоб берилади.)
(Куй, қўшиқ, рақс ва турли беллашувлар белгиланган вақтгача давом этиши мумкин, байрамни янада сермазмун ўтишини таъминлаш учун баҳру-байт, савол-жавоблар қилиш мумкин. Бошкарма бошлиқлари учун саволлар илова қилинади.)
(шар ичида)

БЎЛИМ БОШЛИҚЛАРИ УЧУН БЕРИЛАДИГАН САВОЛЛАР:

1. 
   Тун билан кун тенгашадиган кун – (21 март)
   
2. 
   «Гул ва Наврўз» достонининг муаллифи – (Лутфий)
   
3. 
   Баҳор даракчиси бўлган гул – (бойчечак)
   
4. 
   Энг биринчи гуллайдиган дарахт – (бодом)
   
5. 
   Наврўзни таъқиқлашга ҳаракат қилган истилочилар – (грек-македонлар, араблар)
   
6. 
   Наврўз сўзининг маъноси – (янги кун)
   
7. 
   Эркаклар томонидан тайёрланадиган баҳор таоми – («Ҳалим»)
   
8. 
   Қозонга биринчи солинадиган нарса – (назар)
   
9. 
   Сўз кўрки – (мақол)
   
10. 
    Сержанжал уйда бўлмайдиган нарса – (барака)
    
11. 
    Отдан тушса ҳам – эгардан тушмайдиган одам – (ўжар)
    
12. 
    Саранжом-саришта қизнинг пичан остида (ёки эшик ортида) турадиган рўзғор буюми – (супурги)
    
13. 
    Турк назмида мамлакатни як қалам айлаган шоир – (Навоий)
    

14.«Қадимги халқлардан қолган ёдгорликлар» асарининг муаллифи – (Беруний)


Гулчехра Шахобиддин кизи