H. T. Avezov, sh sh. Xudoyberdiyev

Ionlar  adsorbilanishi.  Eritmalardan  elektrolitlarning  adsorbilanishi  katta 

ahamiyatga  ega.  Bu  jarayonda  neytral  molekulalarning  yutilishi  bilan  birga 

---

 

72 

ionlarning  adsorbilanishi  ham  kuzatiladi,  lekin  erigan  elektrolitning  ionlaridan 

bittasi adsorbilanadi va bunday hodisa ionlar adsorbsiyasi deyiladi. 

 

Agar  erigan  modda  zarrachalarining  suyuqlik  sirtida  va  uning  hajmida  bir 

teks tarqalmasa suyuq fazada sirt chegara vujudga keladi. Bu hodisa erigan modda 

suyuqlikda molekulalar holida bo’lganida ham, ionlar holida bo’lganida ham ro’y 

beraveradi.  Lekin  eritmaning  sirt  qavatida  ionlar  konsentratsiyasi  eritma 

hajmidagiga  qaraganda  kam  bo’ladi.  Bu  yerda  manfiy  adsorbilanish  vujudga 

keladi.  Eritma  sirtida  ionlarning  manfiy  adsorbilanishi  ularning  gidratlanish 

energiyasi katta ekanligidan kelib chiqadi. 

 

Shuning  uchun  suv  molekulalari  eritmaning  sirt  qavatida  turgan  ionlarni 

eritma  ichida  kuchliroq  tortadi.  Kationlar  anionlarga  qaraganda  ko’proq 

gidratlanganidan  eritmaning  sirt  qavatida  anionlar  konsentratsiyasi  kationlar 

konsentratsiyasidan ortiq bo’ladi. Natijada eritmaning sirt qavati manfiy zaryadga 

ega  bo’ladi.  Turli  anionlarning  suyuqlik  sirt  qavatida  manfiy  zaryad  berish 

xususiyatini  tekshirib,  A.N.Frumkin,  quyidagi  liotrop  qatorni  tuzishga  muvaffaq 

bo’ldi: 

CNS

-

>ClO

4

-

>I

-

>MnO

4

-

>NO

3

-

>Br

-

>Cl

-

>OH

-

>F 

 

Bu  qatorga  ionlar  suyuqlikning  sirt  qavatiga  manfiy  zaryad  berish 

xususiyatining pasayishi tartibida quyilgan. Suvda elektrolitlar eritilsa suvning sirt 

tarangligi ortadi, chunki anorganik tuzlar suvga manfiy adsorbilanadi. 

 

Ba’zan  adsorbent  o’z  tarkibidagi  ionlardan  birini  elektrolit  ionlariga 

almashtiradi.  Bunday  adsorbilanish  almashinish  adsorbilanishi  deyiladi.  Agar 

elektrolit  eritmasidagi  anion  va  kation  ekvivalent  miqdorida  adsorbilansa, 

molekulyar adsorbsiya yuzaga keladi. Agar tarkibida bir necha modda aralashmasi 

bo’lgan  eritma  qalin  adsorbentdan  o’tkazilsa,  aralashmadagi  har  qaysi  modda 

adsorbentning  ma’lum  qismlariga  adsorblanadi  va  adsorbent  qavatida  bir  necha 

zona  hosil  bo’ladi.  Bu  hodisani  dastlab  rus  botanigi  va  bioximigi  M.S.Svet 

kuzatgan edi. Bu usul xromatografik adsorbsion analiz deb ataladi. 

 

Shu usul yordamida aralashmaning komponentlari bir-biridan ajratib olishni 

yordam  beradi.  Ajratilishi  kerak  bo’lgan  eritma  adsorbent  bilan  to’ldirgan 

---

 

73 

kolonkaga  solinadi.  Eritmaning  tarkibiy  qismlari  o’zining  moyilligiga  qarab 

adsorbentga yutiladi: ko’pincha qavatlar bir-biridan keskin ajralgan bo’lmay, bir-

biriga  juda  qiyin  joylashadi.  Unda  har  qaysi  qavatni  ochish  uchun  muvofiq 

erituvchilardan  foydalaniladi.  Shu  tariqa  kerakli  modda  ajratib  olinadi;  uni  yana 

qaytadan  adsorbentga  yuttirib,  yutilish  zonasi  kengaytiriladi.  Xromatografik 

adsorbsion analiz juda murakkab organik aralashmalarni bir-biridan ajratib olishda 

katta  ahamiyatga  ega.  O’zbekiston  olimlari  go’zaning  kimyoviy  tarkibini 

aniqlashda bu usulni birinchi bo’lib qo’lladilar.