|
Солиқлар:
1) юридик шахслардан олинадиган фойда солиғи;
2) жисмоний шахслардан олинадиган даромад солиғи;
3) қўшилган қиймат солиғи;
4) акциз солиғи;
5) ер қаъридан фойдаланувчилар учун солиқлар ва махсус тўловлар;
6) сув ресурсларидан фойдаланганлик учун солиқ;
7) мол-мулк солиғи;
8) ер солиғи;
9) ободонлаштириш ва ижтимоий инфратузилмани ривожлантириш
солиғи;
10) жисмоний шахслардан транспорт воситаларига бензин, дизель
ёқилғиси ва газ ишлатганлик учун олинадиган солиқ.
Бошқа мажбурий тўловлар:
314
1) ижтимоий жамғармаларга мажбурий тўловлар:
ягона ижтимоий тўлов;
фуқароларнинг бюджетдан ташқари Пенсия жамғармасига суғурта
бадаллари;
бюджетдан ташқари Пенсия жамғармасига мажбурий ажратмалар;
2) Республика йўл жамғармасига мажбурий тўловлар:
Республика йўл жамғармасига мажбурий ажратмалар;
Республика йўл жамғармасига йиғимлар;
3) давлат божи;
4) божхона тўловлари;
5) айрим турдаги товарлар билан чакана савдо қилиш ва айрим турдаги
хизматларни кўрсатиш ҳуқуқи учун йиғим.
Ушбу модданинг иккинчи ва учинчи қисмларида кўрсатилган солиқлар
ва бошқа мажбурий тўловлар умумбелгиланган солиқлардир. Ушбу Кодексда
белгиланган ҳолларда ва тартибда солиқ солишнинг соддалаштирилган
тартибида тўланадиган қуйидаги солиқлар қўлланилиши мумкин:
- ягона солиқ тўлови;
- ягона ер солиғи;
- тадбиркорлик фаолиятининг айрим турлари бўйича қатъий белги-
ланган солиқ.
Ушбу модда иккинчи қисмининг 1-6-бандларида, учинчи қисмининг 1-4-
бандларида, бешинчи қисмининг иккинчи ва тўртинчи хатбошларида назарда
тутилган солиқлар ҳамда бошқа мажбурий тўловлар умумдавлат солиқлари
ва бошқа мажбурий тўловлардир. Ушбу модда иккинчи қисмининг 7-10- 11
бандларида, учинчи қисмининг 5-бандида, бешинчи қисмининг учинчи
хатбошисида назарда тутилган солиқлар ҳамда бошқа мажбурий тўловлар
маҳаллий солиқлар ва бошқа мажбурий тўловлар жумласига киради.
Берилаётган солиқ имтиёзлари маҳсулот таннархини камайтиради,
пировардида фойдани оширади. Бу эса ишлаб чиқаришнинг барқарор ўсиши
ва аҳолини ижтимоий ҳимоя қилиш учун жуда муҳим.
315
Солиқ имтиёзлари - солиқ тўловчиларга солиқлар бўйича турли хил
янгиликлар бўлиб, улар вақтинчалик ва доимий, тўлиқ ёки қисман ва бошқа
кўринишларда берилиши мумкин. Солиқ имтиёзларининг турлари, амал
қилиш механизмлари, белгилаш мезонлари мамлакат ижтимоий-иқтисодий
ривожланиши даражасидан келиб чиққан ҳолда белгиланади.
Солиқ юки - солиқ тўловчининг муайян вақт оралиғидаги фаолияти
натажасида тўлаган солиқларини йиғиндисини ифодалайди. Бунда солиқ
тўловчиларнинг тўлайдиган барча солиқлар ва солиқсиз мажбурий
тўловларининг йиғиндисини ифодаланади. Солиқ юкининг даражаси ўз
навбатида мамлакатнинг иқтисодий қудратига, инфляция даражасига,
давлатнинг ваколатли функцияларни қўллашига, қолаверса бозор
муносабатларининг ривожланиши ва ижтимоий ҳаракат доирасига бевосита
боғлиқ бўлади.
Солиқ ставкаларини ўзгартириши орқали ҳам иқтисодиётга самарали
таъсир қилиши мумкин. Солиқ ставкалари ҳозирги пайтда тобора
мураккаблашиб ва туркумлашиб бормоқда. Солиқ ставкаларини ўзгартириш
орқали молиявий оқимлар ва товарлар оқимларининг айрим соҳалари учун
қўшимча рағбатлар яратилади.
Солиқ имтиёзлари рағбатлантириш ва самарали қўлланилишига қараб
қуйидаги кўринишларда ифодалаш мумкин:
- солиқлардан бутунлай озод қилиш;
- янги ташкил этилган корхоналарга имтиёзлар бериш;
- солиқ тўлашдан вақтинча озод этиш;
- солиққа тортиладиган базани камайтириш;
- солиқдан қисман озод қилиш;
- хорижий инвестицияларга имтиёзлар бериш;
- экспортга имтиёзлар бериш ва бошқалар.
Бунинг натижасида корхоналар ихтиёрида қоладиган маблағлар
улушининг кўпайиши эвазига унинг айланма маблағлари миқдорни
кўпайтириб бориш ва оптимал даражасини сақлаш, ишлаб чиқаришни
316
замонавийлаштириш, унинг самарадорлигини ошириш мақсадида кўпроқ
инвестиция киритиш, ходимлар меҳнатини янада рағбатлантириш имконини
беради.
Солиқ юки даражасини қуйидаги омиллар белгилаб беради:
1) солиқлар, йиғимлар ва бюджетдан ташқари фондларга мажбурий
ажратмалар сони;
2) уларнинг ставкалар даражаси;
3) ҳар бир солиқ базасининг ўзига хос шаклланиш хусусияти (солиқ
объектига кирувчи элементлар миқдори);
4) солиқ имтиёзларидан фойдаланиш даражаси (имконияти).
Ушбу омиллардан бирининг камайиши (ўсиши) бошқа омиллар
ўзгармагандагина солиқ юки камайишига (ўсишига) таъсир этиши мумкин.
Айтайлик солиқ ставкалари пасайтирилса-ю, солиқлар сони кўпайса ёки
солиқ объекти элементлари кенгайтирилса, солиқ ставкасининг пасайтири-
лиши ҳеч қандай натижа бермайди ва солиқ юки ўзгармайди ёки кўтарилади.
Шунинг учун давлат томонидан солиқ тизимини шакллантиришда бу 4
хил омилни бир-бирига боғлиқ ҳолда қаралиши ва солиқ юкининг мақбул
даражасини белгилаши ва ўрнатиши лозимдир. Бу даражани белгилашда
давлат қуйидаги ҳолатлар таъсирини ҳам эътиборга олиш зарур:
- мамлакатнинг иқтисодий ривожланиш даражаси;
- солиқ тўловчиларнинг тўлов қобилияти, умумий молиявий имконият-
лари;
- бозор муносабатларининг, хусусан, мулкчилик муносабатларининг
ҳолати;
- инфляциянинг ўсиш даражаси;
- маълум давр хусусиятларига кўра, давлатнинг ўз олдига қўйган сиёсий,
иқтисодий ва ижтимоий вазифалари нисбати.
Иқтисодиётни модернизациялаш шароитида корхонлар хўжалик
фаолиятида бюджет билан ҳисоб-китобларни тўғри йўлга қўйиш муҳим
аҳамият касб этади. Бунда бухгалтерия ҳисоби маълумотларидан ташқи
317
фойдаланувчилардан бири давлат солиқ хизмати органлари бўлиб, улар
солиқларнинг молиявий ҳисобини тўғри ва ўз вақтида юритилишидан
манфаатдор ҳам ҳисобланади.
Do'stlaringiz bilan baham: |
