Х. И. Ирсалиев ортопедик стоматология

Чинни массани таснифлаш. Замонавий стоматологик чинни пишириш 
температурасига кура қийин эрийдиган (1300-1370
0
С), ўртача эрийдиган 
(1080-1200
0
С) да паст ҳароратда эрийдиган (870 -1065 
0
С) чинни гуруҳлари 
ажратилади. Қийин эрийдиган чинни 81% дала шпати, 15% кварц, 4% 
каолиндан таркиб топган. Ўртача эрийдиган чинни 61% дала шпати, 29% 
кварц, 10% турли эритмалардан таркиб топган. Паст қуйи хароратда 
эрийдпган чинни таркибига 60% дала шпати, 12%кварц, 28% коалин киради. 
Қийин эрийдиган чиннилар олиб қуйиладиган протезлар учун фабрикада 
тайёр сунъий тишлар тайерлашда ишлатилади. Ўртача ва қуйи эрийдиган 
чиннилар қоплама, киритмалар ва кўприксимон протезлар тайёрлашда 
қўлланилади. Қуйи ва ўртача эрийдиган чиннилар ишлатиш нихрон ва бошқа 
иситгичли пишириш печларини қўллаш имконини беради. Чинни массаларини 
пишириш завод – тайёрловчи таклиф этган тартиб асосида бажарилади. Газ 
ғовакларни камайтириш ёки бартараф этишнинг тўрт хил усули таклиф 
этилади: 1) чиннини вакуумда пишириш - бунда ҳаво эриган массада ушланиб 
қолгунча чиқиб кетади; 2) чиннини диффузияли газ (водород гелий)да 
пишириш; 3) чиннини юқори атмосфера босими остида пишириш; 4) 
атмосферада пиширишда чиннининг шаффофлигини ошириш учун йирик 
донали масса ишлатилади. 
Юқорида таклиф этилган 4 усулдан вакуумда пишириш энг кенг 
тарқалган, хозирги вақтда ҳам тиш техниги лабараторияларида протезлар 
тайёрлашда заводаларда сунъий тишлар ишлаб чиқаришда қўлланилади. 
Вакуумда пиширилган чиннида атмосферада пиширилган чиннига қараганда 
ғоваклар миқдори 60 марта кам. Вакуумда пишириш стоматологик чиннига 
керакли шаффофлик ва ранг бера олади. Массани ўзига хос бўяшни 
хиралаштирувчи ва бўёқ моддаларни киритиб яхшилаш тартибга солиш 
мумкин. Хиралаштирувчи сифатида альюминий ва цирконий оксиди 
кристаллари фойдаланилса, массанинг мустахкамлиги хам қўшимча равишда 
ошириш мумкин.