Х. И. Ирсалиев ортопедик стоматология

Унифас-2 – ишқорий мухитга эга ва уни изоляцияловчи ва таглик сифатида 
ишлатишга қулай.
Адгезар – «Спофа Дентал» компанияси томонидан ишлаб чиқарилган. 
Аралаштириш учун 5томчи суюқлик ва 1 та ўлчагичда кукун қўшилади. 
Ишлаш вакти 8 мин, қотиш вакти 2 минут. 
Цинк-силикат фосфат цементлар. 
Цемент кукун ва суюқликдан ташкил топган бўлиб, цемент кукун 10-
20% рух оксид ва силикатли ойнадан ташкил топган. Силикатли ойна 12-25% 
фторни ўзида сақлайди ва бактерицид ҳусусиятига эга. Суюқлик 2-5% алюмин 
тузлари ва ортофосфор кислотанинг 45-50% тузли аралашмасидан ташкил 
топган. Ишлаш вакти 5-7 минутни ташкил этади.
Бу гурухга Силидонт- 2 ни киритиш мумкин. Силидонт-2 кичик ва катта 
озиқ тишларни ҳамда олдинги тишларининг контакт томонидаги ковакларни 
пломбалаш мақсадида ишлатилади. Кимёвий қулай, яхши адгезияга эга. 3 та 
рангда чиқарилади: оч сариқ (№1), оч кулранг сариқ (№2), кулранг-сариқ(№3). 
Цинк-поликорбаксилат цементлар. 
Цинк-поликарбоксилат цементлар аралаш олиб қўйилмайдиган тиш 
протезлари, қуйма қистирмалар (металли ва чинни), ортодонтик аппаратларни 
маҳкамлашда, бошқа пломбалар тагидан таглик сифатида ишлатилади. Кукун 
ва суюкликдан ташкил топган. Цинк-поликарбоксилат цементларнинг қотиш 
вактига қуйидагилар таъсир қилади: 
 суюқлик ва кукун нисбати 
 рух оксид реакция хусусияти 
 таркибидаги қўшилмалар 
 молекуляр оғирлиги ва полиакрил кислота концентрацияси 
Қотиш вакти 6-9 минут. 10-12 соат ичида тулик котади. Цинк-
поликарбоксилат цементларга- қуйидагилар киради: 
Стоматологик поликарбоксилат цемент. Олиб қўйилмайдиган протезлар, 
комбинирланган протезлар, ортодонтик аппаратларни махкамлаш учун, 
металлкерамика, металлпластмасса тишларни махкамлаш учун ишлатилади. 
Кукун очиқ сарғиш рангда бўлиб ўзида рух оксид ва поликакрил кислота 
кукунни сақлайди. Суюқлик сифатида дистилланган сув ишлатилади.