H. A. Jamolxonov hozirgi o‘zbek adabiy tili

3. Qiyosiy fonetika. Fonetikaning bu turi qardosh tillarning (masalan, o’zbek, qozoq, qirg’iz, turkman va boshqa turkiy tillarning) fonetik tizimidagi umumiy va xususiy jihatlarni aniqlash imkonini beradi: "Сравнительная фонетика тюркских языков" (A.M. Щербак, 1970), "Сравнительно-историческая грамматика тюркских языков" (B.A.Serebrennikov, N.Z.Gadjiyeva, 1986) kabi ishlar shular jumlasidandir. O’zbek tilshunosligida noqardosh tillarning, xususan, o’zbek va rus tillarining fonetik tizimlarini qiyosiy o’rganishga ham alohida e’tibor berilmoqda: "Русская грамматика в сопоставлении с узбекским языком" (Polivanov E.D., 1933-y.), "Краткий очерк фонетики русского языка в сопоставлении с фонетикой узбекского языка" (Kissen I.A., 1952-y.), "Курс сопоставительной грамматики русского и узбекского языков" (Kissen I.A., 1966, 1969, 1971, 1979-yillar), "Сопоставление фонетических явлений русского и узбекского языков в речевом потоке", AKD (Asfandiyarov I.U., 1968-y.), "O’zbek va rus tillarining qiyosiy grammatikasi" (Azizov O, Safayev A, Jamolxonov H, 1986-y.) kabi ishlar buning dalili.
O’zbek va rus tillari fonetikasini qiyosan o’rganish rus maktablarida o’zbek tilini, o’zbek maktablarida esa rus tilini o’qitish uslubiyatini takomillashtirish nuqtai nazaridan, shuningdek, o’zbek-rus bilingvizmi (ikki tilliligi) masalalarini, bunday bilingvizmning har ikkala til strukturasi va sistemasiga ta’sirini aniqlash pozitsiyasidan foydalidir.