H. A. Jamolxonov hozirgi o‘zbek adabiy tili

Tekshirish savollari va topshiriqlar
1.Leksikologiya nimani o’rganadi?
2.Leksika nima?
3.Leksikologiyaning maqsadi va vazifalari haqida ma’lumot bering.
4.Leksikologiyaning qanday turlari bor?
5.Leksikologiya tilshunoslikning qaysi bo’limlari bilan aloqada bo’ladi? Sabablari?


Tayanch tushunchalar


Leksikologiyaning ob’yekti – tilning lug’at boyligi, leksik tizimi.
Lug’aviy birliklar – so’z va iboralar (leksema va frazemalar).
Lisoniy omillar (lingvistik faktorlar) – tilning strukturaviy va sistemaviy xususiyatlaridan kelib chiqadigan omillar.
Nolisoniy omillar (ekstralingvistik faktorlar) – til taraqqiyotiga (shu jumladan,leksik tizim rivojiga) tashqaridan ta’sir o’tkazuvchi omillar: ijtimoiy-siyosiy tuzum, psixologiya, urf-odatlar, ilmiy-texnikaviy taraqqiyot, adabiyot-san’at va boshqalar.
Umumiy leksikologiya – leksikologiyaning barcha (yoki ko’pchilik) tillar lu²at boyligi taraqqiyotiga xos umumiy qonuniyatlarni aniqlash va yoritish bilan shug’ullanuvchi turi