Гулистон давлат университети таянч докторанти Обилов Миркомил Рашидовичнинг

Илмий натижаларнинг тўғрилиги ва янгилигига берилган баҳо.
Тадқиқотда таҳлил ва синтез, индукция ва дедукция, иқтисодий-математик моделлаштириш, монографик баён усули, мантиқий ва иқтисодий-статистик таҳлил, таққослаш, статистик маълумотларни гуруҳлаш, эксперт баҳолаш, илмий абстракциялаш ва бошқа усуллардан фойдаланилиб, олинган натижалар ҳар томонлама асосланган.
Муаллиф томонидан ўтказилган илмий тадқиқотларнинг ишончлилиги, унда илгари сурилган назарий қоидалар ҳамда қўлланилган ёндашув ва усулларнинг мақсадга мувофиқлиги, монографик таҳлил ва статистик маълумотлар базасининг расмий манбалардан олинганлиги, муҳим илмий хулосаларни асослашда замонавий тадқиқот усуллардан фойдаланилганлиги, эмпирик натижаларнинг мақсадга мувофиқ таҳлил ва талқин этилганлиги, хориж ва республикамиз иқтисодчи олим ҳамда амалиётчиларнинг тажрибаларидан фойдаланиш борасидаги илмий-назарий қарашларини қиёсий ва танқидий таҳлил қилишдан олинган назарий хулосаларнинг амалиёт билан мос келиши, илғор хорижий тажрибани ўрганиш ва умумлаштириш, муаллифнинг илмий тадқиқоти натижалари ҳамда тегишли мутахассислар томонидан ижобий баҳоланганлиги, таҳлилий маълумотларнинг Ўзбекистон Республикаси Марказий банки, Ўзбекистон Республикаси Молия вазирлиги, Ўзбекистон Республикаси Давлат статистика қўмитаси ҳисоботларидан олинганлиги ҳамда тегишли хулоса ва таклифларнинг Ўзбекистон Республикаси Молия вазирлиги томонидан амалиётга жорий этилганлиги билан белгиланади.
Диссертациянинг илмий ва амалий аҳамияти. Тадқиқот натижаларининг илмий аҳамияти асосий таклиф ва тавсиялардан мамлакатда аҳоли молиявий саводхонлигини оширишга оид тадқиқотларнинг илмий-услубий аппаратини такомиллаштириш ҳамда мавзуга оид махсус илмий-тадқиқотларни амалга оширишда фойдаланиш мумкинлиги билан изоҳланади.
Тадқиқот натижаларнинг амалий аҳамияти ишлаб чиқилган таклифлар ва амалий тавсиялардан мамлакат ижтимоий-иқтисодий тараққиётини таъминлашда аҳоли молиявий саводхонлиги даражасини ошириш бўйича ишлаб чиқиладиган дастурий ҳужжатларда, соҳани самарали ривожлантириш қаратилган комплекс чора-тадбирлар мажмуини ишлаб чиқишда фойдаланиш мумкинлиги билан изоҳланади.