Guliston davlat universiteti pedagogika va psixologiya kafedrasi

1-MAVZU: O’ZBEKISTON RESPUBLIKASIDA TA’LIM TIZIMINI RIVOJLANTIRISHNING KONSEPTUAL ASOSLARI


Dars maqsadi: «Ta’lim to’g’risidagi» Qonunning yangi tahriri bilan tanishtirish, o’qituvchi shaxsiga qo’yilgan talablar haqida ilmiy tushuncha berish va Kadrlar tayyorlash milliy dasturning dolzarbligini talabalarga tushuntiradi. Ularni mukammal o’rganishga qiziqish uyg’otadi.

Kalit so’zlar

« Ta’lim to’g’risidagi» qonun, kadrlar tayyorlash Milliy dasturi, uzluksiz ta’lim tizimi, ta’lim turlari, ijtimoiy himoyalash, ta’lim standartlari, akademik litsey, kasb-hunar kolleji, huquqiy maqom, atestatsiya, akkreditatsiya, nodavlat ta’lim muassasasi, bakalavriat, magistratura, aspirantura, doktarantura, davlat granti, Respublika byudjeti, maxalliy byudjet, byudjetdan tashqari jamg’arma, ta’limni taraqqiy ettirish fondi, milliy model, shaxs, davlat va jamiyat, umumiy va o’rta ta’lim, intellektual rivojlanish, dissertatsiya, fan nomzodi, fan doktori, malaka oshirish, monitoring, muassis tashkilot, moliyalash, yaxlit axborot makoni, axborot texnologiyasi, marketing, ta’lim tizimini integatsiyalashuvi.
Asosiy savollar:

1.O‘zbekistonda komil insonni tarbiyalashning huquqiy asoslari. Yangi tahirdagi «Ta’lim to‘g‘risida»gi Qonun

2.Yangi qonunning asosiy farqlari
3.Ta’lim tizimi va ta’lim turlari.
4.O‘zbekiston Respublikasida kadrlar tayyorlashning milliy modeli.
1-savol bayoni.


Bizning asosiy maqsadimiz – yoshlarning sifatli ta’lim olish imkoniyatiga ega bo’lishiga erishish, ularning o’z qobiliyati va iste’dodini ro’yobga chiqarish uchun barcha zarur sharoitlarni yaratib berishdan iborat.
Sh.M.Mirziyoyev

Mamlakatimizda Ta’lim to’g’risidagi Qonun dastlab 1992 yilda qabul qilingan, 1997 yilda esa yangi tahrirdagisi qabul qilingan edi.

2020 yil 23 sentabrda qabul qilingan “Ta’lim to‘g‘risida”gi Qonunda ta’lim sohasida hozirgi davrdagi amalga oshirilgan islohotlar o‘z aksini topdi.
Qonun loyihasini takomillashtirish davomida 238 ta norma va qoida qayta ko‘rib chiqildi, idoraviy normativ-huquqiy hujjatlarni qisqartirish imkoniyatidan foydalangan holda 123 ta norma loyiha tarkibidan chiqarildi hamda 54 ta to‘g‘ridan-to‘g‘ri amal qiluvchi modda bilan almashtirildi. Shuningdek, ma’muriy byurokratik mexanizmga doir 7 ta modda butunlay chiqarib tashlandi.
Mazkur Qonunda ushbu yangi norma va qoidalar o‘z aksini topishi natijasida qonun 11 bob va 75 moddadan iborat tartibda ishlab chiqildi.
1-bob. Umumiy qoidalar.
2-bob. Ta’lim tizimi, turlari va shakllari.
3-bob. Ta’lim tizimini boshqarish
4-bob. Ta’lim faoliyatini tashkil etish va uning nazoratini amalga oshirish.
5-bob. Ta’lim tashkilotlari pedagog xodimlarining huquqiy maqomi
6-bob. Ta’lim oluvchilarning, ular ota-onasining hamda boshqa qonuniy vakillarining huquq va majburiyatlari
7-bob. Ta’lim-tarbiya jarayoni ishtirokchilarini ijtimoiy himoya qilish.
8-bob. Nodavlat ta’lim tashkilotlari faoliyatini litsenziyalash, ta’lim tashkilotlarini attestatsiyadan va davlat akkreditasiyasidan o‘tkazish. Xorijiy davlatda olingan ta’lim to’g’ridagi hujjatni tan olish, ta’lim sohasidagi hujjatlarga apostil qo’yish.
9-bob. Ta’limni moliyalashtirish va davlat tomonidan qo‘llabquvvatlash.
10-bob. Ta’lim sohasidagi xalqaro hamkorlik.
11-bob. Yakunlovchi qoidalar.