Градостроительные нормы и правила

Ертўла ёки цокол қаватининг бўлими – ёнғинга қарши тўсиқлар билан чегараланган (деворлар, перегородкалар, тепа қопламалари) бўлими; бўлим ичида хоналар у ёки бу оловбардошлик чегарасидаги перегородкалар билан ажратилиши мумкин.
Ёнғин бўлими – ёнғинга қарши тўсиқлар билан ажратилган, ёнғин тарқалишига қаршилик кўрсатадиган бинонинг қисми.
Одамлар оммавий равишда бўладиган хона – одамлар доимий ёки вақтинчалик бўладиган (авария ҳолатларидан ташқари), бир кишига 1 м² дан кўп 50 м² ва ундан ортиқ майдонли хона, жумладан даҳлизлар, фойелар, ҳар хил йўналишга мўлжалланган заллар, нутқ сўзлаш аудиториялари, ресторанлар, дўконлар ва бошқалар).
Инсонлар доимий равишда бўладиган хона – инсонлар ўз фаолиятида узлуксиз икки соатдан ортиқ ёки иш вақтининг 50% ортиқ бўладиган хона.
Бинонинг реконструкцияси – хозирги даврда самарали фойдаланиш учун бинонинг режаю-ҳажмий ечимини, унинг ташқи кўринишини, асосий техник-иқтисодий кўрсаткичларини (майдонини, қурилиш ҳажмини, сиғдираолишлик миқдорларини, қабул қилиш имкониятларини ва бошқалар), мўлжалланишини ўзгартиришга йўналтирилган ташкилий-техник ва қурилиш тадбирлари мажмуаси.
Пассив гелиотизим – бинони иситиш ёки вентиляциялаш учун қуёш энергиясини иложи борича кўпроқ тутиш ва фойдаланиш мақсадларида махсус назарда тутиладиган бинонинг ҳажмий-режавий ва конструктив ечимлари тизими.
Тамбур – бинога кириш жойида эшиклар оралиғидаги ўтиб кетиш хоначаси; тамбур-шлюз бино ичига совуқ (иссиқ, чангланган) ҳавони, тутинни ва ёқимсиз ҳидларни киришидан ҳимоялайди.
Трибуна – томошабинлар учун қаторлари тепага олдингисига нисбатан бир текис кўтарилиб борадиган қилиб қурилган иншоат.
Мактаб – ўз ичига ўқитишнинг I ва II поғонасини оладиган: 1-4 синфлар (бошланғич мактаб) ва 5-9 синфлар (асосий, база мактаби), мактаб ёшидаги (7-15 ёшликлар) болалар учун умумтаълим ўқув муассасаси.
Бўғот – том қопламаси конструксиялари билан тепа қават тепа қопламаси орасидаги бўшлиқ.