|
Электротехник қурилмалар
4.97. Жамоат биноларида электржиҳоз, электрёритгич, шаҳар телефон алоқалари қурилмаси, симли эшиттириш ва телевидение назарда тутилиши лозим. 10 кишидан кам ишловчи ходими бўлган айрим жамоат биноларида асосланган ҳолда телефон алоқаси қурилмаси ва телевидение назарда тутилмаслиги мумкин, болаларнинг мактабгача муассасалари, умумтаълим ва махсуслашган мактаблар, ўрта махсус муассасалар, меҳмонхоналар, бошқарув органлари ва аҳолига коммунал хизмат кўрсатиш бинолари, банк муассасалари бинолари, суғурта агентликлари бинолари бундан мустасно.
Лойиҳа топшириғига, идоравий қурилиш нормалари талабларига ёки бино комфортлиги классига асосан айрим бинолар ва хоналар маҳаллий (ички) телефон алоқаси, маҳаллий симли эшиттириш ва телевидение, нутқнинг овоз кучайтиргичи, синхрон таржимаси қурилмалари, сигнализация, ёнғин ҳақида хабар берувчи тизим, газ чиқиши ҳақида хабар берувчи сигнализация, тутун ва сув тошиши сигнализатсиялари, муҳандислик қурилмалари автоматизация ва диспетчиризация тизимлари ва бошқа қурилмалар турлари билан, ҳамда электр пасттокли тармоқлари билан жиҳозланиши мумкин.
Автоматик ёнғин сигнализацияси тизимлари (АЁСТ) ва ёнғин ўчиргич автоматик қурилмалари (ЁЎАҚ) ЎзР ИИВ ЁҲББ нинг 21 - мажбурий иловада келтирилган рўйхати бўйича назарда тутилади. АЁСТ ва ЁЎАҚ билан жиҳозланиши шарт конкрет хоналарнинг рўйхати объект лойиҳа топшириғида берилиши лозим.
Ёнғинни автоматик ўчириш учун ёниш бўлмаганда ишлаб кетадиган ёки зарари ёнғинда бўладиган зарарга яқин қимматли товар-ашъёларга ва хоналарга шикаст етказадиган қурилмаларни ўрнатмаслик мумкин.
Жамоат биноларининг электр қабул қилувчилари электр таъминотининг ишончлилигини таъминлаш даражаси бўйича 19-иловадаги мос категорияларга таалуқли бўлиши шарт. Категорияси янада юқори электр қабул қилувчиларнинг электр таъминоти ишончлилигига талаблар кичик категориядаги электр қабул қилувчилар таалуқли бўлиши мумкин эмас.
Бино қаватлилигига боғлиқ электр таъминотининг ишончлилиги бўйича категориясини аниқлашда қаватлар сонига барча ер устки қаватлари, жумладан мансарда, техник қават, ҳамда цокол қават, агарда унинг тепа қопламаси ернинг режавий сатҳидан 2 м дан кам бўлмаган баландликда бўлганда, киритилади.
Бинонинг қисмларида ҳар хил қаватли қисмлар бўлса ҳар бир қисм учун қаватлик алоҳида аниқланади.
Ёнғинга қарши қурилмаларнинг ва қўриқлаш сигнализацияси электр қабул қилувчилари, жумладан ўт ўчирувчиларни ташийдиган лифтларнинг ҳам, ҳар хил киришларнинг ишончлилиги категориясига боғлиқ бўлмаган ҳолда таъминланиши шарт, а битта кириш жой бўлганда – ушбу кириш жойидан иккита линия билан. Бунда бошқа истеъмолчиларни ўчириш ёнғинга қарши қурилмаларнинг электр қабул қилувчиларини ўчириш билан боғланган бўлмаслиги керак.
Бино ва хоналарнинг қўриқлаш сигнализацияси жиҳозлари лойиҳа топшириғига асосан назарда тутилади.
Банк бинолари, омонат кассалари, офислар ва бошқа жамоат биноларида пул билан, қимматбаҳо қоғозлар билан, қимматли метал буюмлар билан операция амалга оширувчи хоналардаги иш жойлари тревога сигнализацияси билан жиҳозланиши шарт. Комутатор қурилмаси жойи лойиҳа топшириғида берилади.
4.103. Яшинқайтаргич РД 34.21.122-87 асосида жамоат биносининг мўлжалланган йўналиши ва унинг жойлашган худудида момоқалдироқ бўлиш интенсивлигини, ҳамда телевизор антеналари ва телефон алоқаларининг тик қувурлари борлигини ҳисобга олган ҳолда назарда тутилиши керак. Яшинқайтаргич ўрнатилиши зарур бўлмаган ҳолатларда антеналарни ва тик қувурларни ерга симлаш атмосфера электрини ерга ўтказиб юбориш учун зарур.
4.104. Механик умумий вентиляцияси бор биноларда автоматик ёнғинга қарши сигнализация ва автоматик ёнғинўчиргичлар ишлаганда автомат ҳолда вентиляция ўчирилиши назарда тутилиши керак, агар ёнғинга қарши қурилмалар ва автомат ўчиргич бўлмаса марказлаштирилган жойдан вентиляцияни ўчириш зарур.
4.105. Жамоат биноларида ҳимоя ўчиргичи қурилмасининг ишлаши ток кучи 30 мА дан кўп бўлмаслиги, ишлаб кетиш вақти -100 мс гача бўлиши шарт.
Do'stlaringiz bilan baham: |
