G‘o‘za kasalliklari va ularga qarshi kurash choralari Reja

Almashlab ekish. G‘o‘zani beda, sholi va kuzgi g‘alla ekinlari hamda yeryong‘oq bilan almashlab ekish yaxshi samara buradi. Beda va ba’zi pomidor navlari nematoda bilan umuman zararlanmaydi. G‘alla ekinlari moyil, ammo kuzda ekish paytida tuproq harorati 17,8 °Sdan ancha pastligi uchun nematoda o‘simliklarni zararlay olmaydi, bahorda esa parazitning birinchi avlodi yetilguncha, ekin o‘rib olinadi. Almashlab ekishda makkajo‘xori samarasiz; nematodaga juda moyilligi uchun qand lavlagisi, pomidorning ko‘p navlari, loviya, piyoz, kartoshka, qovun, garmdori va kungaboqar qo‘llash tavsiya kilinmaydi. Gall nematodasi keng tarqalganligi sababli almashlab ekishni barcha maydonlarda joriy qilish mumkin bo‘lmay qolganda oraliq ekin sifatida kuzgi javdar o‘stirish tavsiya qilinadi; bunda tuproqda nematodalar miqdori ancha kamayadi va chorva mollar uchun ozuqa yetishtiriladi. Gall nematodasi bilan zararlangan maydonlarda paxta terib olinmasdan ilgari birdaniga bug‘doy ekish mutlaqo noto‘g‘ri, chunki bu holda g‘o‘za ildizi ichidagi nematodalar, fuzarioz va vertitsillyoz so‘lishni qo‘zg‘atuvchi zamburug‘lar kelgusi mavsumgacha saqlanadi va nihollarni kuchli zararlaydi va hatto butunlay halok qiladi.