G‘o‘za kasalliklari va ularga qarshi kurash choralari Reja

Tola jingalak bo‘lib qolishi. Noinfeksion kasallik, g‘o‘zada modda almashuvi buzilishi sababli rivojlanadi. Ba’zi o‘simliklarda barcha ko‘saklar zararlanadi. Bo‘lakchalarning hammasi zararlangan ko‘sak to‘la ochilmaydi. Alohida bo‘lakcha yoki barcha bo‘lakchalar jingalak va yaltiroq bo‘lib qoladi, chanoqdan qiyinchilik bilan olinadi (Rasulev, 1981).

Kurash choralari. Yuqori sifatli, iloji boricha kislota yordamida tuksizlantirilgan, samarali fungitsid(lar) bilan dorilangan urug‘lik chigit ekish; zararli hasharotlar (ko‘sak qurti, o‘simlik bitlari, qandala va h.k.) bilan vaqtida va samarali kurashish; ekin ichida namlikni pasaytirish, o‘simliklarga quyosh nuri yetadigan qilish va shamol yurishini yaxshilash uchun g‘o‘za zich eqilishiga, ortiqcha azotli o‘g‘it qo‘llashga, mavsumning 2-yarmida keragidan ortiqcha sug‘orishga yo‘l qo‘ymaslik, egat qator oralarini kengroq, egatlarni balandroq qilish; vaqtida yagana qilish; vaqtida defoliatsiya va hosil yig‘ishni o‘tkazish; sog‘lom va zararlangan hosilni alohida terib olish, quritish, paxtani saqlashda namlik oshishiga yo‘l qo‘ymaslik; g‘o‘zapoyani daladan chiqarish; chuqur kuzgi shudgor; ekishdan oldin va o‘suv davrida dala va dala chetlaridagi begona o‘tlarni yo‘qotish; qishlovchi hasharotlar (beda qandalasi, bitlar va b.q.) bilan kurashish maqsadida bedani tagidan o‘rish lozim (Karimov, 1976; Rasulev, 1981; Pinckard va b.q., 1981, Peresipkin, 1987; Peresipkin va b.q., 1990; Davis va b.q., 1996).