Государственный стандарт узбекистана

3 Атамалар ва таърифлар
Ушбу стандартга мос ҳолда қуйидаги атамалар ва таърифлар ишлатилади.
3.1 чегаралар: Жисмоний чегаралар ёки ишлаб чиқариш фаолияти жойининг чегаралари ва/ёки ташкилот томонидан белгиланганига биноан ташкилотнинг чегаралари.
Мисол. Ташкилот бошқарувида бўлган жараён, жараёнлар гуруҳи, ишлаб чиқариш фаолияти жойи, тўлиқ ташкилотнинг ўзи, ишлаб чиқариш фаолиятининг бир неча жойлари (ишлаб чиқариш майдонлари).
3.2 доимий яхшиланиш: Энергетик натижавийлик ва энергетик менежмент тизимининг яхшиланишига олиб келувчи такрорланувчи жараён.
Изоҳлар
1 Мақсадларни қўйиш ва яхшиланиш учун имкониятларни топиш бўйича жараён – доим амалга оширилувчи жараён ҳисобланади.
2 Доимо яхшиланиш бўйича фаолиятни амалга ошириш ташкилотнинг энергетик сиёсати билан келишувчи умумий энергетик натижавийлик билан боғлиқ бўлган яхшиланишга олиб келади.
3.3 тузатиш: Аниқланган номувофиқликни бартараф этиш учун бажарилган ҳаракат (3.21).
Изоҳ - O’Z DST ISO 9000:2005 стандартида келтирилган таърифдан фойдаланилган, 3.6.6 таъриф.
3.4 тузатиш ҳаракати: Аниқланган номувофиқликнинг (3.21) сабабини бартараф этиш учун бажарилган ҳаракат .
Изоҳлар
1 Номувофиқликни келтириб чиқарувчи бир нечта сабаблар бўлиши мумкин.
2 Тузатиш ҳаракати номувофиқликнинг қайта содир бўлишини бартараф этиш учун, олдини олиш ҳаракати эса номувофиқликнинг содир бўлишига йўл қўймаслик учун бажарилади.
3 O’Z DST ISO 9000:2005 стандартида келтирилган таърифдан фойдаланилган, 3.6.5 таъриф.
3.5 энергия: Электр, ёқилғи, буғ, иссиқлик, сиқилган ҳаво ва бошқа шунга ўхшаш муҳитлар.
Изоҳлар
1 Ушбу стандартга мос равишда энергия деганда энергиянинг турли шакллари , жумладан сотиб олиниши, сақланиши, фойдаланилиши ва асбоб-ускуна ёки жараёнда ишлатилиши ёки қайта тикланиши мумкин бўлган тикланадиган турлари тушунилади.
2 Энергия тизимнинг ташқи ишни амалга ошириш ёки иш бажариш қобилияти сифатида аниқланиши мумкин.