Государственная инспекция по надзору за безопасным ведением работ

Ялпи (ёппа) портлатишда ҳосил бўладиган заҳарли газларга нисбатан хавфсизлик чоралари бўйича йўриқнома

I. Ерости иншоотларида

1. Портлатишга оид лойиҳага ёппасига портлатишни лойиҳалашда хавфсизликни зарурий чораларини, шу жумладан портлатишнинг газсимон маҳсулоти келиши мумкин бўлган барча иншоотлар шамоллатишни, хавфли жойга одамлар бориши учун рухсат бериш тартибини кўзда тутувчи бўлим киритилиши зарур.
2. Портлатишгача шахтани (конни)³ шамоллатиш бўйича назорати ҲКҚҚ билан биргаликда шамоллатишнинг ишончлилигини қабул қилинган шамоллатиш схемаси бўйича текшириши шарт.
3. ҲКҚҚ командири шахта раҳбари билан биргаликда зарур ҳолларда, портлатишдан кейин ҲКҚҚ кучлари билан электрқурилма, сув кетгизиш ва шамоллатиш қурилмалари, ҳамда бошқа объектларга хизмат кўрсатиш режасини тузишлари керак.
4. Бош шамоллатгич биносида юзада ёппасига портлатишдан кейинги шамоллатиш пайтида ҲКҚҚ постларини қўйиш зарур.
Постни вазифасига қуйидагилар киради:

• 
  шамоллатгич диффузорида (у суришга ишлаётган пайтда)⁴ заҳарли маҳсулоти миқдорини назоратлаш;
  
• 
  бинога газ ёриб кирган бўлса шамоллатигичга хизмат кўрсатиш.
  

5. Ёппасига портлатишдан сўнг шахтага ҲКҚҚни туширишга, портлатишдан сўнг камида 1 соатдан кейин, шу жумладан портлатиш ҳудудидаги иншоотларга камида 2 соатдан кейин рухсат этилиши мумкин.
Ёппасига портлатишни бажаришда целик ёки тўсинлар (гумбазлар) қулашига кўра шахтага ҲКҚҚни туширишга, портлатишдан сўнг камида 2 соатдан кейин, шу жумладан портлатиш ҳудудидаги иншоотларга камида 4 соатдан кейин рухсат этилиши мумкин.
6. ҲКҚҚ қуйидаги ишларни бажаради:

• 
  ёппасига портлатиш тартибида кўрсатилган иншоотларни кўриб чиқади;
  
• 
  зарурий шамоллатиш қурилмаларини улайди ва иншоотлар тўлиқ шамоллатилганга қадар уларга хизмат кўрсатади;
  
• 
  кон атмосферасининг газланганини назорат қилади;
  
• 
  шамоллатиш қурилмасининг ҳолатини текширади, уларни (зарур бўлса) таъмирлайди, шунингдек вазифа билан кўзда тутилган бошқа ишларни бажаради.
  

7. Ерости иншоотларига (портлатиш ҳудудидан ташқари) шахта ходимларини боришига, фақат иншоотлар ҳолати ҲКҚҚ томонидан текширилганидан ва меъёрий кон атмосфераси тикланганидан кейин рухсат этилади.
8. Худди шундай портлатиш ҳудудига шахта ходимларини боришга, фақат меъёрий кон атмосфераси тиклангани, иншоотлар хавфсиз ҳолатга келтирилгани,аммо камида 8 соатдан кейин рухсат этилади.