Государственная инспекция по надзору за безопасным ведением работ

2-жадвал
НИМКЛАССЛАР БЎЙИЧА ПОРТЛОВЧИ АШЁЛАР ТАСНИФИ

Нимкласс	Нимкласснинг номи
1.1.	Массали портлаш хавфига эга портловчи ашёлар
1.2.	Массали портламайдиган портловчи ашёлар
1.3.	Ёнғиндан хавфли, массали портламайдиган портловчи ашёлар
1.4.	Сезиларли хавфга эга бўлмаган портловчи ашёлар
1.5.	Жуда сезилмайдиган портловчи ашёлар
1.6.	Сезгирлиги жуда ҳам паст бўлган буюмлар

Изоҳ.
1.Аниқ бир портловчи материалларнинг бир-бирига мослик гуруҳига, шунингдек нимклассга мансублиги ишлаб чиқарувчи томонидан аниқланади ва ишларнинг хавфсизлиги бўйича эксперт – ташкилот томонидан тасдиқланади, ҳамда тегишли ПА ни стандартларида ёки техник шартлари ва қўллаш бўйича йўриқномаларда (қўлланмаларда) кўрсатилади.

2. Турли мослик гуруҳларига кирадиган портловчи материаллар алоҳида ташилиши ва сақланиши керак.
Қуйидагиларни биргаликда сақлашга йўл қўйилади:
1) энг сезувчанларига қўйиладиган талабларга мувофиқ тутайдиган (D гуруҳ) ва тутамайдиган (С гуруҳи) порохларни;
2) B, C ва D гуруҳларга кирадиган портловчи материаллар билан оловўтар шнурни, унинг ўт олдиргич воситаларини ва порохларни, сигнал ва порох патронлари ҳамда сигнал ракеталарини (G гуруҳ);
3) капсюль-детонаторлар, электродетонаторлар ва пиротехник релели (B гуруҳ) билан детонацияловчи шнур ва детонацияловчи тасмани (лентани) (D гуруҳ);
B, C, D, E, G, N ва S гуруҳларга кирадиган портловчи материалларни § 49 да кўрсатилган шартларга риоя қилган ҳолда, қуйидаги талаблар бажарилган тақдирда автомобиль транспортида биргаликда ташишга йўл қўйилади:
1) мосликнинг бир гуруҳига кирадиган, бироқ ҳар хил нимклассларга тегишли бўлган портловчи материалларни уларга нисбатан умуман олганда 1.1 нимклассдаги (2-жадвал) портловчи материаллар сифатида хавфсизлик чоралари қўлланилиши шарти билан биргаликда ташиш мумкин;
2) C, D ва E мослик гуруҳларга кирадиган портловчи материалларни Е мослик гуруҳига (агар ушбу гуруҳга кирадиган юк ташилса) ёки C мослик гуруҳига (E гуруҳига кирадиган портловчи материаллар бўлмаса) киритилган рақами кичик нимкласс учун белгиланган талаблар бажарилган тақдирда биргаликда ташиш мумкин;
3) N мослик гуруҳига кирадиган портловчи материаллар, қоидага кўра, бошқа мослик гуруҳига кирадиган портловчи материаллар билан ташилмайди, S гуруҳи бундан мустасно. Бироқ N мослик гуруҳига кирадиган портловчи материаллар C, D ва E гуруҳларига кирадиган портловчи материаллар билан биргаликда ташилса, у ҳолда уларнинг барчаси D мослик гуруҳига киради деб қаралиши керак.
ПАни биргаликда ташишга, фақат мазкур Қоидаларни § 49 да кўрсатилган шартларга риоя қилинган тақдирда рухсат этилади.
§ 9. Портловчи материалларни омборхона, бино ва бошқа жойларда ПА омборларини тузилиши ва улардан фойдаланиш бўйича йўриқномага (2-илова) мувофиқ равишда сақлаш зарур. ПА омборлари 9-иловага мувофиқ яшинҳимоя билан жиҳозланган бўлиши керак ва Ўзбекистон Республикаси ИИВ ва “Саноатконтехназорат” ДИ томонидан тасдиқланган Портловчи материалларни ишлаб чиқариш, сотиб олиш, транспортда ташиш, ҳисобга олиш ва улардан фойдаланиш тартиби ҳақидаги йўриқнома талабларига мувофиқ равишда қўриқланиши керак.
§ 10. Портловчи материалларни ташиш ПАни ташиш бўйича йўриқномага (3-илова) мувофиқ равишда амалга оширилиши керак.
§ 11. Саноат тарзидаги ПАни қўллаш шароитларига кўра 3-жадвалда кўрсатилган классларга бўлинади.
3-жадвал