Glossariy pedagogika yunoncha «paidagogike»

4-ma’ruza: Qiyosiy pedagogikaning taraqqiyot bosqichlari

Reja:

1.Fan taraqqiyotining birinchi davri.

2. Qiyosiy pedagogika fani taraqqiyotining ikkinchi davri, uning o‘ziga xos xususiyatlari.

3. Qiyosiy pedagogika fani taraqqiyotining uchinchi davri, ularning o‘ziga xos xususiyatlari.

Tayanch iboralar: tarixiy taraqqiyot, ilmiydan oldingi bosqich, paydo bo’lish bosqichi, rivojlanish bosqichi, inqiroz bosqichi, integratsiya bosqichi.
Ilm va fanning bir sohasi sifatida qiyosiy pedagogikaning asosiy rivojlanish bosqichlari

Ixtiyoriy ilmiy bilimning barqaror rivojlanishning zaruriy sharti uning evolyutsion bosqichlarida ongli tarzda avloddan-avlodga o’tishidir. Pedagogika fanlari uchun bu juda muhim hisoblanadi. Chunki bir davrdan ikkinchi davrda uzluksiz o’tuvchi xususiyatga ega ta’lim-tarbiya’ning dolzarb va abadiy muammolari bir talay. Yangi ijtimoiy tarixiy sharoitda hamda fanning yangi rivojlanish bosqichida tarixiy ilmiy merosga tayanib ish ko’rish zarur. Shuning uchun pedagogikaning tarixi ikkilamchi masala yoki qadimiy ashyolar yig’indisi bo’lmay, doimiy taraqqiyotda bo’lgan muammolarni o’z ichiga qamrab olgan majmua hisoblanadi. Ularning batafsil tahlili pedagogika fanlariga oid ixtiyoriy sohaning ilmiy tadqiqotlari nazariy metodologik darajasini mukammallashtiradi. Odamning kasbiy va aqliy kamolotida muhim ko’rsatkichga aylanadi. Bularning bari qiyosiy pedagogikaga ham to’la aloqador hisoblanadi. Qiyosiy pedagogika tahliliga metodologik yondashuvlar majmuini hisobga olgan holda biz uning besh taraqqiyot bosqichini ajratamiz: ilmiydan oldingi bosqich, paydo bo’lish bosqichi, rivojlanish bosqichi, inqiroz bosqichi, integratsiya bosqichi.

1-bosqich (ilmiydan oldingi) – qadimgi davrlardan XIX asrgacha.

2-bosqich (paydo bo’lish) – XIX asr oxiridan XX asr boshlarigacha.

3-bosqich (rivojlanish) – XX asr boshlaridan XX asrning 60-yillarigacha.

4-bosqich (inqiroz) – XX asrning 60-yillaridan 80-yillarigacha.

5-bosqich (integratsiya) – o’tgan asrning 80-yillaridan hozirgacha bo’lgan davr.