Glossariy Banklarning kelib chiqishi va bank tizimi Bank

Glossariy
Banklarning kelib chiqishi va bank tizimi
Bank – turli-tuman moliyaviy xizmatlar ko’rsatish bilan shug’ullanuvchi kredit muassasasi.

Bank krediti – banklar tomonidan pul shaklida beriladigan kredit.

Bankning balansi – buxgalteriya balansi bo’lib, unda tijorat bankining aktivlari, majburiyatlari va kapitali aks etadi.

Ipoteka banklari - jismoniy va yuridik shaxslarga garov asosida uzoq muddatli kreditlar berish bilan shug’ullanadi. Ipoteka atamasi ko’chmas mulklarni garovga qoyish natijasida vujudga keladigan moliyaviy munosabat bo’lib, uning o’ziga xos xususiyatlaridan biri garovga qoyilgan ko’chmas mulk kredit (qarz) oluvchining tasarrufida qolishidir.

Investitsion banklar - asosiy faoliyati passiv operatsiyalari natijasida shakllantirgan moliyaviy mablag’larini asosiy ulushini qimmatli qog’ozlarga investitsiya qilishdan iborat bo’ladi. Mamlakatda investitsion banklar faoliyat yuritishi uchun qimmatli qog’ozlar bozori rivojlangan va etarli darajada investitsion muhit yaratilgan bo’lishi lozim.

Ixtisoslashgan banklar - iqtisodiyotning ma’lum tarmog’iga xizmat ko’rsatish va shu tarmoqni rivojlantirish maqsadida tashkil etiladi.

Jamg’arma banklari - asosiy mijozlari jismoniy shaxslar bo’lib, ushbu banklarning asosiy faoliyati aholidan muddatli omonatlarni jalb qilishga qaratilgan bo’ladi.

Obligatsiya (bond; bonds;debenture stock)- qimmatli qog’oz turi, muddatli qarz majburiyati. Egasiga kafolatlangan daromad olish huquqini beradi

Universal banklar - banklar bajaradigan barcha operatsiyalarni bajaradi. Bunga misol sifatida tijorat banklarini keltirish mumkin.