Glossariy 1-mavzu. Marketing va uni rivojlanishining asosiy bosqichlari

АШУЛА ВА РАҚС АНСАМБЛИ – турли таркибда ташкил топган созанда, хонанда ва раққослар гуруҳи.


АШУЛАЧИ – ашулани ижро этувчи етук санъаткор, хонанда, ҳофиз. А. овоз имкониятларини эгаллаш, улардан тўлиқфойдалана билиш, ашула йўлларини ўрганишда юксак малака ҳосил этиш б-н етишади. А.нинг овози, ижро услуби (ишкамий, бинигий, гуллигий) турлича бўлиши мумкин.
БАДИИЙ БУЮМЛАР – чиройли шаклларда безатиб ишланган, турли мақсадларда фойдаланиладиган нафис буюм ва зеб-зийнатлар. Уй-рўзғор анжомлари, кийим-кечак, меҳнат қуроллари, бадиий газлама, гилам, палос, сўзана, қурол-аслаҳа, мебель каби моддий маданият асарлари, тасвирий санъат, амалий санъат, безак санъати маҳсулотларини ўз ичига олади. Баъзи мамлакатлар ўз Б.б.и б-н машҳур (хитой чинниси, эрон гилами, ҳинд фил суяги маҳсулотлари, чех шишаси, ўзбек атласи ва б.). Жамият тараққиёти Б. б. тайёрлаш усули (ҳайкалтарошлик, кулоллик, заргарлик, мискарлик, дегрезлик, наққошлик, ўймакорлик, кошинкорлик ва б.)ни ҳам такомиллаштирди, бадиий ҳунармандликнинг янги соҳалари (каштадўзлик, дўппидўзлик, зардўзлик, шишасозлик ва б.)ни юзага келтирди. Ўзбекистон ҳудудида Б. б. ишлаб чиқариш 20-а.нинг 20-й.ларидан кенг йўлга қўйила бошланди. 60-й.лардан мазмунан бойиди, турлари кўпайди; анъанавий Б. б. қардош халқлар яратаётган маҳсулотлар ҳисобига ҳам бойимокда.


БАДИИЙ КЎРГАЗМАЛАР – санъат асарларини оммавий намойиш этиш шакли. Кўргазма махсус қурилган ёки мослаштирилган бинолар (мас.,музей, маданият саройлари залларида, театр, кинотеатр, жамоат бинолари фойеларида ва ш.к. жойлар)да уюштирилади.


БАДИИЙ МУЗЕЙЛАР – тасвирий ва амалий безак санъати ҳамда меъморий ёдгорликларни йиғиш, сақлаш, таъмирлаш, саралаш, кўргазмаларда намойиш этиш, ўрганиш, тарғиб этиш б-н шуғулланадиган, санъатшунослик йуналишидаги илмий маърифий ва тадқиқотлар олиб бориладиган муассасалар.


БАДИИЙ СЎЗ УСТАСИ – адабий асар (шеър, наср, шунингдек публицистика) ёки драматик парчани телекўрсатув ва радио орқали, эстрада, цирк ва филармония саҳнасида ифодали ўқиб, улар мазмунини тингловчиларга бадиий таъсирли қилиб етказувчи ижрочи, эстрада ва филармония артисти.


БАДИИЙ ЎҚИШ – эстрада санъатининг бир тури: адабий асар (шеърий наср, шунингдек публицистика) ёки драматик парчани омма олдида ижро этиб, тингловчиларга асар моҳиятини бадиий таъсирчан қилиб етказиш. Ўтмишда Б. ў. халқ бахшилари, эртакчилар, қизиқчилар ижодининг асоси ҳисобланган.