Glossariy 1-mavzu. Marketing va uni rivojlanishining asosiy bosqichlari

БОЛАЛАР КУТУБХОНАСИ – мактаб ёшидаги болалар ва усмирларга хизмат кўрсатадиган муассаса. Ҳозирги пайтда болалар ахборот-ресурс марказлари ҳам пайдо бўлмоқда.


БОЛАЛАР МУСИҚАСИ – болаларнинг тинглаши ва ижро этиши учун мўлжалланган мусиқа асарлари. Б. м. намуналари содда шакли, ёрқин ифодаси, жонли бадиий мазмуни б-н ажралиб туради. Болалар ҳаёти, халқ эртаклари, табиат манзаралари, ҳайвонот дунёси Б. м.да ўз ифодасини топади.


БОЛАЛАР ТЕАТРИ –1) болалар томонидан ижро этиладиган спектакллар. Ғарбий Европа ўқув юртларида 15-а. дан маълум; 2) болалар ва ўсмирлар учун хизмат қиладиган профессионал театр. Ёш авлодни бадиий, эстетик ва гоявий жиҳатдан тарбиялашга хизмат қилади. Репертуари эртак ва болалар адабиёти намуналари асосида ёзилган инсценировкалардан, мумтоз драматургиянинг мактабда ўтиладиган намуналаридан, болаларбоп пьесалардан иборат. Драматик (ёш томошабинлар театри) ва қўғирчоқ театри каби турлари бор.


БОЛАЛАР ФОЛЬКЛОРИ – оғзаки ижод намуналари. Одатда болалар ёки улар учун катталар томонидан яратилади. Фольклор жанрининг таркибий кисми. Ўзбек Б.ф. алла, эртак, эрмаклар, тез айтиш, топишмоқ, болалар ўйин қўшиқлари, эркалама, масхаралама ва б.ни ўз ичига олади. Б.ф. боланинг тинглашига, айтиб юришига, ўйинига, қўшиғига мосланган бўлади.


ВИДЕОНАЗОРАТ ҚУРИЛМАСИ, монитор – телекўрсатувлар олдидан кўрсатувлар тракти тайёрланаётган, созланаётган, кўрсатувлар кетаётган пайтда эфирга узатиш нуқталари (узатувчи камеранинг чиқиши ва б.)даги тасвирлар сифатини назорат экранларида визуал (кўриб туриб) назорат қилиш учун мўлжалланган қурилма.


ГАЛЕРЕЯ (франц. qalerie) – 1) пешайвон, бостирма; биноларда ён деворларидан бири ўрнига устунлар ўрнатилган усти ёпиқ, узун, энсиз айвонли қурилма; узун балкон; 2) ён деворларининг бири ойнаванд қилиб қурилган узун зал; 3) ўрта асрларда сарой ва уйларнинг расм ва ҳайкаллар б-н безатилган йўлаклари; 4) томоша залининг юқориги яруси (ўриндиқлари); 5) кўпгина бадиий музейларнинг номи.


ГАРМОНИЯ (юн. harmonia – боғланиш, мутаносиблик) – 1) кўп овозли мусиқанинг асосий ифода воситаларидан бири. Бунда асар мазмуни куй ривожи орқалигина эмас.,балки унга ҳамоҳанг бўлган турли аккордларнинг алмашинуви ёрдамида ифодаланади.


ГАСТРОЛЬ (нем. gast – меҳмон, rolle – роль) – артист (ёки артистлар жа-моаси)нинг доимий иш жойидан ташқари (бошқа туман, шаҳар, мамлакат) да томоша кўрсатиши, концерт бериши.


ГРАФИКА (юн. graphike, grapho – ёзаман, чизаман) – тасвирий санъат тури. Расм ва расм санъатига асосланган, лекин ўз тасвир ва ифода воситаларига эга бўлган босма бадиий асарлар.


ГЎЗАЛЛИК – эстетика тушунчаси. Табиат ва жамиятдаги нарса ва ҳодиса-ларнинг, инсон фаолиятининг кишида меҳр-муҳаббат, қувонч, завқ, эркинлик туйғулари ҳосил қилишга қодир бўлган хусусиятларини ифодалайди. Хунукликнинг акси.