Глоссарийлар антиинновациялар

Иқтисодий разведка – хорижий давлатларнинг, рақобатчи корхона (фирма) ларнинг иқтисодий салоҳияти, иқтисодий сиёсати ва иқтисодий ҳолатига, доираларига оид муҳим маҳфий маълумотларни яширинча тўплаш.
Иқтисодий таҳдид – жамият, давлат ва уларнинг субъектлари алоҳида шахснинг нормал ҳаёт фаолиятига, улар манфаатларини рўёбга чиқаришга тўсқинлик қилувчи, уларга зиён, зарар-заҳмат келтирувчи, хавф-хатар туғдирувчи омиллар, шарт-шароитлар ва воқеликларни ифодалайди.
Иқтисодий шпионаж – рақибига зарба бериш, рақобат курашида енгиш, хўжалик фаолиятида ўзиб кетиш мақсадида тижорат сири ҳисобланган маълумотларни яширинча тўплашга қаратилган хуфёна фаолият.
Иқтисодий қонунбузарлик – хўжалик юритиш амалиётида белгиланган ва қарор топган қонун-қоидалар ва мезонларга зид хатти-ҳаракат ёки ҳаракатсизлик.
Компенсация – кўрилган зарарни, харажатларни қоплаш, қарзни қайтариш, ўрнини қоплаш, товон тўловлари мажмуи.
Контрабанда (итал. contrabando) – давлат чегарасидан моллар, қимматбаҳо буюмлар ва бошқа нарсаларни қонунга хилоф (яширинча) усулларда ўтказиш, шунингдек, таъқиқланган молларни олиб ўтиш учун ноқонуний ҳаракатлар қилиш.
Корхона (фирма)нинг иқтисодий хавфсизлиги – унинг ҳаётий муҳим манфаатларига хавф солувчи ички ва ташқи таҳдид, тажовузлардан маъмурият ва персонал томонидан амалга оширилган ҳуқуқий, ташкилий-иқтисодий, инженерлик-техника тавсифдаги чоратадбирлар туфайли вужудга келтирилган ҳимояланганлик ҳолатидир.
Корхона (фирма)нинг иқтисодий хавфсизлиги – маъмурият ва персонал томонидан амалга ошириладиган ҳуқуқий, ташкилий- иқтисодий ва инженер – техник чора – тадбирлар тизими туфайли вужудга келтирилган ҳаётий муҳим иқтисодий манфаатларнинг ички ва ташқи хавф – хатарлардан ҳимояланганлик ҳолати.
Коррупция – мамлакат иқтисодий ресурсларига, давлат мулкини тақсимлаш
жараёнларида унинг бир қисмига эга бўлиш мақсадида уюшган жиноий гуруҳнинг шахсий бойлик орттириш мақсадларини ва уруғ-аймоқларининг манфаатларини давлат манфаатларидан устун қўювчи давлат хизмати амалдорларини ўз домига илинтириб, улардан фойдаланиши ва улар билан бирикиб, қўшилиб кетишидир.