Глоссарийлар антиинновациялар

Сохта банкротлик – хўжалик юритувчи субъектнинг ўз мажбурият-ларини
иқтисодий жиҳатдан бажара олмаслиги ҳақида била туриб, ҳақиқатга тўғри
келмайдиган эълон бериши кредиторларга зарар етказилишига сабаб бўладиган иқтисодий ҳодиса (Ўзбекистон Республикаси Жиноят кодексининг 180-моддаси).
Сохта ишбилармонлик (тадбиркорлик) – кредит олиш, солиқлардан озод бўлиш, фойда кўриш ёки тақиқланган фаолиятни яшириш мақсадида ҳеч қандай ишбилармонлик ёки банк фаолиятини олиб боришни мўлжалламаган коммерция ташкилотини тузиш. Фуқароларга, ташкилот ёки давлатга катта зарар келтирувчи иқтисодий, сиёсий-ижтимоий фаолият соҳасидаги жиноятчилик ҳисобланади.
Сохта тадбиркорлик – уставида кўрсатилган фаолиятни амалга ошириш мақсадини кўзламасдан ссудалар, кредитлар олиш, фойдани (даромадни) солиқлардан озод қилиш (солиқларни камайтириш) ёки бошқача мулкий манфаат кўриш мақсадида корхоналар ва бошқа тадбиркорлик ташкилотларини тузиш. (Ўзбекистон Республикасининг Жиноят кодекси, 179-модда).
Стратегия - корхонанинг ресурсларини тақсимлаш ва назорат қилиш орқали
белгиланган узоқ муддатли мақсадларга эришиш учун зарур бўлган амалларнинг умумлаштирувчи мажмуидир.
Тадбиркорлик фаолиятининг иқтисодий хавфсизлиги – тадбиркорлик субъекти томонидан амалга оширилган ҳуқуқий, ташкилий-иқтисодий, молиявий, ижтимоийиқтисодий ва инженер техник тавсифдаги чора-тадбирлар тизими туфайли вужудга келтирилган ҳаётий муҳим иқтисодий манфаатларининг ички ва ташқи хавф-хатарлардан ҳимояланганлик ҳолатидир.
Таҳдид – жамият, давлат ва уларнинг субъектлари, алоҳида шахснинг нормал ҳаёт фаолиятига, улар манфаатларини рўёбга чиқаришга тўсқинлик қиладиган, зиён – заҳмат келтирадиган, хавф –хатар туғдирадиган омиллар ва шарт – шароитлар.
Ички таҳдидлар – мамлакат ичида вужудгв келадиган таҳдидлар.
Ташқи иқтисодий соҳада хавфсизлик – мамлакатнинг жаҳон бозорларидаги
рақобатга бардошлилиги, миллий валютанинг барқарорлиги, давлатнинг молиявий аҳволининг барқарорлиги билан тавсифланади.