Глоссарийлар антиинновациялар

Иқтисодий мустақиллик – миллий иқтисодиётнинг чет давлатларга боғлиқлигини камайтириш ва миллий манфаатларга хизмат қилиши учун шарт-шароитларнинг таъминланиши. Унинг қуйидаги мезонлари мавжуд:
Иқтисодиётнинг очиқлиги – мамлакат иқтисодиётининг чет эл товарлари, капитали, ишчи кучи миграцияси учун муайян даражада очиқ бўлишини тақозо этади. Мамлакат чет эл билан иқтисодий алоқаларини ўз миллий манфаатларидан келиб чиққан ҳолда ва эркин юритади;
Иқтисодий сиёсат – мамлакат мақсадлари, вазифалари, манфаатларига мувофиқ ҳолда иқтисодий ва ижтимоий жараёнларга муайян йўналиш бериш, иқтисодиётни давлат томонидан тартибга солиш ва бошқариш соҳасидаги давлат, ҳукумат фаолиятининг бош йўналиши, тадбирлари тизими. И.С. аграр, таркибий, инвестиция, молия-кредит, ижтимоий, ташқи иқтисодий фаолият, илмий-техника, солиқ, бюджет соҳаларидаги сиёсатни ўз ичига олади.
Иқтисодий хавфсизлик – миллий иқтисодиёт мустақиллигининг, унинг барқарорлиги, мустаҳкамлиги, доимо янгиланишга ва ўз-ўзидан такомиллашиб боришга қодирлигини таьминловчи шарт-шароитлар ва омиллар йиғиндисидир. И.Х.иқтисодиёт ва ҳокимият институтларининг шундай ҳолатдаки, бундай ҳолатда мамлакат миллий манфаатларининг кафолатли ҳимоя қилинганлиги, мамлакат иқтисодий ривожланишининг ижтимоий йўналтирилганлиги, ички ва ташқи жараёнларининг энг ноқулай шароитларида ҳам мудофаа салоҳияти етарли даражада таьминланган бўлади.Иқтисодий хавфсизлик – иқтисодий категория бўлиб, иқтисодиётнинг барқарор иқтисодий ўсиш таъминланган, ижтимоий эҳтиёжлар оптимал даражада қондирилган, рационал бошқариш амалга оширилган, миллий ва халқаро даражаларда иқтисодий манфаатларнинг ҳимоялангандаги ҳолатини ифодалайди.
Ички иқтисодий хавфсизлик – табиий, техникавий, иқтисодий, инфратузилмавий, ижтимоий, микро ва макро иқтисодий ривожланишнинг ҳамда турли беқарорликни, тангликни келтириб чиқарувчи ички ва ташқи таҳдидлар таьсиридан ҳимоя қилувчи ички иммунитетлар билан боғлиқдир.
Иқтисодий хавфсизликнинг мезони – иқтисодий хавфсизликнинг моҳиятини ифодаловчи муҳим жараёнлар нуқтаи назаридан иқтисодий холатни баҳолаш.Иқтисодий хавфсизликнинг чегаравий кўрсаткичлари – иқтисодиёт соҳасидаги миллий манфаатларнинг миқдор жиҳатдан ифодаланиши.