Глоссарийлар антиинновациялар

Бюрократизм – 1) тоталитар давлатга хос бошқариш системаси; бу бошқариш
системаси амалдорларнинг (давлат хизматчиларининг), ҳукмрон партия ва милиция (полиция) аппаратининг кенг қулоч ёйган тармоқлари ва халқ оммаси устидан ҳукумронлик қиладиган, тоталитар давлат ёки бир ховуч партократиянинг манфаатини кўзлаб, меҳнаткашларга зулм ўтказувчи ва улар устидан зўравонлик қилувчи бошқа расмий маъмурий шахслар ёрдамида амалга оширилади; 2) қуруқ расмиятчилик, қоғозбозлик, сансалорлик, масалани ишнинг моҳиятига ва меҳнаткашларнинг эҳтиёжига зарар етказган ҳолда юзаки ҳал қилиш.
Валюта сиёсати – давлат ва марказий банклар томонидан пул ва валюта муомаласи доирасида пулнинг харид қувватига ҳамда мамлакат иқтисодиётига таъсир кўрсатиш мақсадида ўтказиладиган тадбирлар мажмуаси.
Давлат қарзи – давлатниннг ўз фуқаролари, банклар, корхона ва ташкилотлар, хорижий мамлакатлардан қарзи. Давлат ўз харажатларини даромади билан қоплай олмай қарз олади, қарз ҳисобидан ўз бюджетининг камомадини вақтинча қоплайди. Давлат заёмлар чиқариб, уларни аҳолига, корхона ва ташкилотларга сотади. Улар давлат қарзининг гувоҳномаси бўлади.
Инвестиция (лот. кийинтирмоқ) – ишлаб чиқаришни ривожлантириш мақсадида ёки чет элларда иқтисодиётнинг турли тармоқларига капитал киритиш (қўйиш). Молиявий инвестиция, акция, облигация ва бошқа қимматбаҳо қоғозларни сотиб олиш; реал инвестиция мамлакат ичкарисида ва чет элларда ишлаб чиқаришга капитал киритиш (қўйиш), шунингдек, ёш мустақил давлатларга қарз ва субсидиялар бериш шаклларида амалга оширилади.
Информацион хавфсизлик - шахс, жамият ва давлат ҳаётий муҳим манфаатларининг ахборот уруши, интервенция ҳамда дезинформация тазйиқларидан ҳимояланганлигидир. Информацион хавфсизликнинг моҳияти давлатнинг информацион ресурсларини сақлаш, ахборот соҳасида шахс ва жамиятнинг қонуний ҳуқуқларини ҳимоялашдан иборатдир.
Информацион хавфсизлик объектлари – ахборот ресурслари, уларнинг шаклланиш, тарқалиш ва фойдаланиш тизими, инфраструктураси, тизим фаолиятини таъминловчи ташкилий ва иқтисодий механизмлар.