Глоссарийлар антиинновациялар

Информацион хавфсизлик ресурслари – давлат ва корхона., ташкилот ва муассасаларнинг ҳужжатлар шаклидаги ( кутубхона, архив, фонд) ахборотлар, компьютер дастурлари, билим ва ахборот базалари ҳамда бошқа ташкилот турларидан иборат.
Инфляция (лот. inflatio – шишиш, кўчиш, кўтарилиш) – пулнинг қадрсизланиши;
муомаладаги пул массасининг товарлар массасидан устунлиги натижасида товар билан таъминланмаган пулларнинг пайдо бўлиши.
Ишсизлик – аҳоли иқтисодий фаол қисмининг ўзига иш топа олмасдан қолиши. Меҳнатга лаёқатли бўлиб, ишлашни хоҳлаган, лекин иш билан таъминланмаган ишчи кучи.
Иқтисодий жиноятлар – миллий иқтисодиётга, унинг тармоқлари ёки соҳаларига, корхона, ташкилот ва муассасалар ҳамда фуқароларга зиён етказадиган ёинки зиён етказиши мумкин бўлган, жиноят қонунида назарда тутилган ижтимоий хавфли қилмиш (ҳаракат ёки ҳаракатсизлик)дир. Бундай жиноятларнинг содир этилиши натижасида жамият, давлат, хўжалик субъектларига, айрим фуқароларга моддий зиён етказилади, жамиятнинг иқтисодий негизларига тажовуз қилинади. Уларга: 1) ўзгалар мулкини талонтарож қилиш; 2) ўзгалар мулкини талон-тарож қилиш билан боғлиқ бўлмаган жиноятлар; 3) иқтисодиёт асосларига қарши жиноятлар; 4) хўжалик фаолияти соҳасидаги жиноятлар киради. Иқтисодиёт асосларига қарши жиноятларга мамлакат манфаатларига хилоф равишда битимлар тузиш, қалбаки пул ёки қимматли қоғозлар ясаш, уларни ўтказиш, валюта билан қонунга хилоф равишда муомала қилиш, чет эл валютасини яшириш, сохта тадбиркорлик, сохта банкротлик, банкротликни яшириш, божхона тўғрисидаги қонунларни бузиш, рангли металлар, уларнинг парча ва резги чиқитларини тайёрлаш, олиш, улардан фойдаланиш ҳамда сотиш қоидаларини бузиш кабилар киради.
Иқтисодий манфаатлар – иқтисодий фаолият иштирокчилари (субъектлари)нинг ўзлари томонидан англанган ва уларни фаолиятга ундовчи ҳаётий эҳтиёжлари, иқтисодий фаолиятни ҳаракатлантирувчи куч. Амал қилиш даражасига кўра якка шахс, гуруҳий ёки корпоратив, миллий ёки умумдавлат миқёсидаги иқтисодий манфаатлар мавжуд.