Глоссарий жисмоний маданият

Жисмоний реабилитация – жисмоний маданиятнинг бир тури бўлиб, қисман ёки вақтинчалик йўқотилган ҳаракат қобилиятларини қайта тиклаш, жароҳатларни даволаш ёки олдини олиш учун жисмоний машқлардан мақсадли фойдаланиш жараёнидир.

Жисмоний маданият ва спорт назарияси – инсонни тарбиялашнинг умумий тизимига киритилган, педагогик жараён сифатида, жисмоний тарбиянинг шакли, мазмунмоҳияти, тузилишининг умумий қонуниятларини ўрганувчи фандир. Инсонни ҳар томонлама, гармоник ривожлантиришга қаратилган жисмоний маданият соҳасидаги илмий билимлар тизимидир.

Тизим - (“система» грекча сўздан олинган бб, - “қисмлардан иборат” маъносини беради) – бу, аниқ бир қонуниятлар асосида жойлашган ва ўзаро алоқада бўлган қисмларнинг умумийлигидир.

Жисмоний маданият тизими - шахснинг жисмоний маданиятини шакллантиришга йўналтирилган, ижтимоий ташкилотни ифодалайди.

Жисмоний тарбия тизимининг мақсади - шахснинг жисмоний маданиятини шакллантиришдир.

Дунёқараш – бу инсон фаолиятининг йўналишини белгиловчи қарашлар ва ғоялар мажмуасидир.

Давлат таълим стандарти – таълим мақсадларига эришиш учун зарур ва етарли бўлган билим, малака ва кўникмаларнинг жамланмаси, таълим мазмунининг оптимал минимумидир.

Жисмоний маданият воситалари – деб, жисмоний камолотга эришиш мақсадида фойдаланиладиган фаолият жисмлари, шакллари ва турларининг жамланмасига айтилади.

Ҳаракат – деб, инсон ҳаракат фаолиятининг натижаси, тананинг ёки тана аъзоларининг ташқи жисмлар ёки бир-бирига нисбатан силжишига айтилади.

Ҳаракат амали – деб, бирон-бир ҳаракат вазифасини ҳал қилиш учун тизимга бирлаштирилган ҳаракатлар гуруҳига айтилади.

Жисмоний машқ – деб, жисмоний тарбия қонуниятларига мувофиқ тарзда ташкиллаштирилган инсон ҳаракат фаоллигига айтилади (Л.П.Матвеев, 1976).

Жисмоний машқ – деб, инсоннинг жисмоний камолотга эришиши учун яратилган ва қўлланиладиган ҳаракат амалларига айтилади (Б.А.Ашмарин, 1990).

Жисмоний машқ – бу жисмоний маданият вазифаларини амалга ошириш учун, унинг ривожланиш қонуниятларига мувофиқ тарзда шакллантирилган ва ташкил этилган ҳаракат амалларидир (Ж.К. Холодов).