Glosarriy maket

Filtr qogʻozi – yelimlanmagan qogʻoz.
Karton qogʻozi – karton deb 1 kv mt 250 grammdan ortiq boʻlgan qogʻozga aytiladi. Kartonning turlarini ta’rifda beradigan boʻlsak:
Oq karton – uni qirqish oson, oʻzi unchalik pishiq emas, tez sinadi. Bu karton yelimni koʻp shimadi(koʻpincha yelimdan shishadi). Undan mayda narsalarni muqovalashda foydalaniladi.
Sariq karton – oq kartonga koʻra pishiqroq, egiluvchan yaxshi qirqiladi, yelimdan shishmaydi. Turli ishlarda foydalaniladi.
Kul rang karton – oq va sariq kartondan pishiqroq, qirqish qiyin. Kartonning bu turidan oʻta pishiqlikni talab qiluvchi narsalar tayyorlanadi.
Rangli karton - bu yuqa egiluvchan sathiga turli rangda jilo berilgan, ishlov berish oson va koʻrinishi chiroyli. Undan hajmi kichik narsalar, papkalar, muqovalar tayyorlash ma’qul. Uning ustidan boshqa narsa yopishtirishga hojat boʻlmaydi.
Metall va qotishmalar. Metallar oʻzlarining texnik xususiyatlari: mustahkamligi, qattiqligi, egiluvchanligi, issiqlik va elektr oʻtkazishi, suvga bordashliligi, eruvchanligi va choʻkuvchanlik xususiyatlariga ega. Oʻquvchilar rangli metall va qora metall turlarini bilishlari kerak.
Qora metall – temirning uglerod bilan qotishmasi va ozroq miqdordagi kremniy, marganes, fosfor, oltingugurt va boshqa elementlar aralashmasidan iborat boʻladi. Bularga: Poʻlat, choʻyan, temir, tunuka va folga kiradi.
Rangli metallga – mis, alyumin, qoʻrgʻoshin, jez, qalay va boshqa metallar va ularning qotishmalari kiradi.
Sim. Turli xil narsalarni yasashda xilma-xil simlardan foydalanish mumkin. Sim toʻqish va oʻrib olish uchun yaroqlidir. Qattiq poʻlat yokialyumin simdan texnik modellashda bir qator detallarni yasashda foydalaniladi. Bu simdan arava, avtomobil oʻqlari, suv parragi, oʻyinchoqlar va shu kabilarni tayyorlashda foydalaniladi. Ishlab chiqarilayotgan simlar diametri 0,005 dan 17mm gacha boʻladi. U asosan dumoloq kesimli boʻladi, Biroq kvadrat, olti qirrali, trapesiyasimon yoki oval shaklidagi simlar ham boʻladi. Simlar turli maqsadlarda: elektr, radio, telefon simlari, prujinalar, mixlar, eyektrodlar, ingichka parma, musiqa asboblari uchun torlar yasash va shu kabilardan foydalaniladi.
Plasimassalar. Plastmassalar su’niy olinadigan modda boʻlib, sanoatimiz plastmassadan turli predmetlarni va kapron, neylon, organik oyna, paralon, polietilen va shu kabi xilma-xil toʻqimalarni ishlab chiqaradi. Plastmassalar juda yengil va shu bilan birga bukiluvchan va elastikdir. Ayrim plastmassalar oʻta mustahkam boʻlib issiqlik va elektrni yaxshi oʻtkazadi, kislotalarga bordoshlidir. Plastmassaga ishlov berishda deyarli chiqindi boʻlmaydi. Mehnat ta’limi amaliy mashhulotlarida topilishi oson boʻlgan plastmassalardan va ishlab chiqarish chiqindilaridan foydalaniladi. Bular: organik shisha, paralon, penoplast, linoleum, ebonit, kapron, tekstolitdir